Music的天空

   
今日得返半日喺檳城玩,因為我地要搭一點鐘機返香港喇

一早就落酒店食早餐,啱啱日出個景真喺好靚

今日仲有半日喺浮羅交怡,因為我地要搭2:15p.m.機返檳城再玩過,我地一早就揸車出發去東方村諗住搭Cable Car

佢地9:30a.m.先開,我地八點幾就去到但喺已經見到好多人喺度排隊,咁我地影完相就喺度食個早餐先,估唔到喺度食早餐都喺好平咋RM8.9一個,仲要喺奶茶咖啡任飲

食完見時間差唔多就出去排隊搭Cable Car,點之.....見到售票處貼咗張告示話今日山頂條橋唔開

喺魚排食完個午餐之後就去釣魚,船家都同我地轉咗幾個地點先至有魚釣到,雖然啲魚唔喺好大條,不過都話晒喺釣到啲貴價魚吖

釣釣吓又見到一隻唔知喺咩既嘢喺水度游緊,幾驚佢游埋嚟呀

   
  一點鐘喺會有船載人去沙灘睇鯊魚仔,但喺我地潛完水上嚟已經錯過咗喇!我地食完嘢之後好想再潛多次,咁就走去問吓教練,佢話加多RM90就可以,我地梗喺即比再潛過啦
第二次潛水就坐船去遠啲既地方,一落水見到成千上萬既魚,我需然都潛過十幾次水,但喺都喺第一次感受到比幾千條魚圍既感覺,真喺好High

 

 

 

 

 

 

Billy教練

 

今朝八點鐘就落酒店食早餐,食早餐喺要過對面向海樓,呢度環境真喺唔錯,對住個海同泳池食真喺幾正

檳城啲榴槤出名好食,原本我地喺好想去寶盛園食樹上熟既榴槤,但喺司機哥哥話六月尾至八月先有,佢見我地咁想食就帶咗我地去街邊生果檔度食貓山王

RM90,真喺好正

食完個咁正既榴槤就終於返酒店Check In,酒店起喺Batu Ferringghi海灘上面,距離Tropical Spice Garden、Penang Cultural Center,玩具博物館同蝴蝶農場都好近.
酒店分咗向海同臨海兩座,兩座樓喺隔咗一條馬路,或者可以喺一樓條天橋行過去都得,我地就住喺臨海嗰座

26/5/2012出發喇!我地坐國泰8:20早機去,飛3hr40min,12:00就到咗檳城

檳榔喺馬來西亞北部,因為有好多檳榔樹而得嚟呢個名.檳榔嶼原本只喺一個荒島,只有海盜喺度住,到咗18世紀尾比英國東印度公司既法蘭斯船長發現,而且向吉打國蘇丹租借,將呢度一步步咁發展,呢度有85%喺華人,所以周圍都見到中文字,而且有好多華人都識講廣東話,其餘都喺印度人同馬來土著,閩南話喺呢度好通行.首都喺檳城,又叫"喬治亞市"或者"喬治城",喺檳榔嶼既東北端,喺馬來西亞最大既國際自由商港同全國第二大城市.檳榔嶼周圍都有多姿多彩既宗教同文化特色,州立博物館、藝術館、佛教寺廟同清真寺遍佈成個島,反映咗由18世紀以嚟好多民族一齊開發呢個咁靚島嶼,檳城有好多風味小食,呢度賣啲嘢多數都喺免稅,價錢又平,由吉隆玻、新加坡 、香港、曼谷都有飛機直到檳城,而由吉隆玻搭火車可以去到檳城對面既北海,再轉搭船或者巴士過海就到檳城

檳城(penang),浮羅交怡(Langkawi)~ 一個好多人都聽過或者去過既地方,但喺我地就喺未去過,所以今次就決定去呢度玩六日,馬來西亞真喺好似玩唔完咁,數數吓原來我今次已經喺第五次去馬來西亞喇!雖然去咗四次不過就每次都去唔同既地方,真喺幾鐘意呢個地方架,嗰邊啲人好熱情又好人,食嘢買嘢都平,真喺好好玩! 我地先去檳城玩一日,然後就再坐內陸機去浮羅交怡玩四日,跟住就再返去檳城玩多一日先返香港,總共就玩六日喇!
  由香港去檳城我地喺訂國泰既package,住Holiday Inn Penang一頭一尾共住兩日,連來回機票$2290+Tax$816=HKD3106一個人,由檳城去浮羅交怡我地就訂Air Asia既package,住Sheraton Langkawi Beach Resort四日連來回機票+Tax$2046一個人,即喺成個行程既package喺HKD5152.訂好之後我一有時間就上網搵資料,知道檳城嗰邊搭車都幾唔方便,佢地嗰邊啲的士比較小,所以好多都喺吊高嚟賣,上車前一定要同師機講價,佢地永遠都唔喺睇表收錢,我地六個人去仲要每次都要分兩架的士,過咗夜晚十二點就仲要收貴啲,真喺好唔方便,搭巴士又等好耐先有一架,如果自己租車又唔喺周圍都可以泊到車,而且嗰邊啲路又唔好揸,仲會成日塞車,好彩比我無意中喺網上邊搵到一間包車公司,佢地有十人Van仔,仲有埋司機車我地周圍去,仲要做埋導遊又可以幫我地安排埋行程,又可以叫佢載自己想去既地方,真喺好方便,我地send email過去講我地既全程飛機時間,住邊間酒店,佢地就好快覆返我地,而且仲安排好行程比我地,真喺好快手.佢地包車既價錢RM200 for 4hrs ,RM300 for 8 hrs, RM360 for 12hrs.由機場去我地住間酒店要55分鐘,淨喺呢段車程都要MYR100,我地成個行程要來回共四次都要RM400喇,如果搭的士仲要分兩架,即喺要RM800,所以佢地就建議我地先玩幾個景點至返酒店Check In,由機場接我地開始就計車鐘,咁樣我地就可以平咗好多喇!呢個喺佢地覆返我地既email:

机场 ==> 蛇庙 （途径，你可以选择不要去）==〉午餐 （新世界foodcourt,你可以吃娘惹食物，或其它槟城小吃) ==> 环游市区（景点包过娘惹博物馆，钟楼，姓氏桥，小印度，蓝屋等等）==〉酒店 （check in）==〉关子角晚餐 ==〉去市区找吃 ==〉回酒店休息

27/5 酒店 （9am) ==〉卧佛 ==〉康乃鲜楼骨茶（bak kuk teh) ==> 机场 (12.15pm)

第五日:要走啦搭夜機,仲有半日時間去買嘢,聽人話果邊嘅KFC 啲雞喺唯一用新鮮雞做好有雞味,又真喺幾好味喎!

第四日:原本訂咗去玩激流,可惜因為果邊水浸冇得玩唯有改去神山公園浸溫泉同睇全世界最大既花 RAFFLESIA,呢種花開花期只有七日,開完一次之後果塊地要等十五個月先有等二次再開,搭咗兩個鐘頭車之後終於到咗,

好好彩啱啱棵花開咗四日,比我地睇到,不過要另外比RM30先可以睇.

第三日:去一個啱啱新發現嘅小島度潛水,叫 MARI MARI ISLAND,話只喺發現咗一個月,碼頭都未起好,喺喺 MANTANANI ISLAND隔離話仲靚過佢,搭咗三個鐘頭車一個鐘頭船,終於去到,嘩......又真喺幾靚喎!

第二日:去SAPI ISLAND潛水,

啲水唔係好清,個灘都唔喺好靚,不過潛落水啲魚就幾大條吓,仲比我影到好大條雞泡魚.

2008年10月21-25日,第一次去沙巴,訂咗香格里拉海景套房package,心情好興奮.
第一日:早機8:00,我地遲咗去到機場搞到7:20先check in完,連早餐都冇得食,仲要飛奔上機.

喺沙巴機場搭咗十分鐘左右車就到SHANGRI-LA,