Music的天空

從來冇唸過會買單反,因為覺得重又大部去旅行好唔方便,但喺就因為去馬爾代夫覺得攞部儍瓜機去影會晒咗咁靚既景,所以就買咗,就咁開始我既攝影路途!買咗部機返嚟但喺完全唔識用,咩叫光圈,快門,白平衡都唔識,只喺買咗本攝影攻略書然後一晚睇晒就出發去馬代,去到就當然好多嘢都唔記得點用喇!唯有全部用P模去影啦!去到馬代先住一晚近機塲既Angsana Ihuru,第二朝6:00a.m.就check out然後就食早餐準備坐水上飛機入Angsana Velavaru,就當我行去食早餐時,我見到碼頭個景好靚就忍唔住要影低佢,當時太陽都未出嚟,所以完全唔夠光,影咗幾張都影唔到,隻佬又吹我快啲話唔夠時間食早餐喇!但我又好想影到呢個景,靈機一矚就將部相機放喺個路燈上邊等佢夠時間去影,就影咗呢張好靚既相喇!哈哈哈.....

自己真喺好鐘意呢張相,所以就將佢放上網站既作品發表區度,但真喺估唔到會被當選為今日之選,呢個網每日都有好多好多人放相片上去,我夜晚放上去第二朝就已經去到十幾版喇!你話有幾多人放上去吖,我唸每日都有幾千張相,所以都冇唸到會比佢地選中,佢地喺每日會揀一張相佢地評選後覺得當日最靚既相做今日之選,然後再每月揀一張為每月之選,唔知會唔會比我撞彩贏埋呢!

   終於要走喇!Bye Bye喇我嘅Dream House,等到三點有船嚟接我哋上水上飛機返馬里,今日個天氣好好,可以喺機上補影番啲靚景
Maldives Seaplane-水上飛機篇 Viedo

   唔覺唔覺嚟咗馬爾代夫都已經第六日,而今日喺响呢度最後一日喇!真喺十萬個唔捨得!好唔捨得呢度,好唔捨得離開我嘅Dream House!  嚟之前睇人哋啲遊記都話,因為要11:00a.m.就要check out,但喺要等到3:00p.m.先有水上飛機接佢哋返出馬里,所以臨check out時可以有禮貌咁要求酒店延遲退房,多數都得,有啲人就話喺酒店主動要求佢哋早兩個鐘check out,就可以安排佢哋喺主島嘅沙灘屋暫時住到2:00p.m.,所以我哋就諗住照板煮碗,等佢哋主動通知我哋,如果冇叫我哋提早退房就要求佢哋比我延遲,點之.......居然比佢哋先下手為強,禽晚放低一封信喺張床度,喺通知我哋今日要11:00a.m.check out,如果想延遲退房,就比多USD$100就可以住到2:00p.m.,真喺估佢哋唔到有呢一招,可能因為太多人要求遲check out喇!睬你都儍,比多一百蚊住多三個鐘,食咗佢好過喇!  最後一日喺呢度食早餐,入到去諗起我哋都未試過坐喺出面露天位食過,最後一日就一定要試吓

   今朝隻佬又六點就起身再影吓日出

然後我哋八點幾就去食早餐

   一早六點幾隻佬就自己起咗身走上天台影日出,可惜太多雲都喺影唔到個咸蛋黃

禽晚好早就瞓所以今朝六點幾就起身喇!走出露台睇吓.....嘩!啱啱日出個景好靚呀!不過呢邊喺日落方向,所以就影唔到個咸蛋黃喇!

呢個喺佢地嘅海水化淡處

      雖然瞓得個幾鐘,但喺都好精神,可能有得玩就唔會覺得攰,而且今日就向我嘅Dream house出發就實在太興奮喇!

  嗰邊要成7:00a.m.先日出,所以我哋去check out時都仲喺好黑,check out完又去影過,居然比我影到兩張臨日出前好靚嘅相

 

 

馬爾代夫Maldives,喺印度西南方約600公里嘅印度洋上面,有1190個珊瑚島,形成咗26個環礁同數唔到嘅大小礁岩而組成,有200個島有人住,荒島就有200個,响2004年南亞海嘯之後而家嘅度假村大約有100個,佢喺一島一酒店.全個馬爾代夫嘅總面積有115300平方公里99%喺海,所以陸地就只有300公里,首都喺馬里Male,成個國家嘅總人口都喺得嗰27萬,喺香港一個區都多過佢喇!馬爾代夫喺橫跨赤道,喺熱帶氣候,四季分別唔大,最熱喺4月26.5-31.5度,最凍喺12月都只喺25.3-29.8度,12月至4月喺旱季,最乾旱喺係2月,5月至11月喺雨季,最多雨喺係6月,由於亞州同歐州都開始回暖,又加上佢地喺雨季,所以每年嘅5月至7月都會喺淡季,間間酒店都會大減價,有好多酒店都喺住四晚比三晚錢,五晚比四晚,所以去馬爾代夫最平喺5至7月,我個大假就咁啱喺5月喎!正!
    好多人都話馬爾代夫喺一生人最少要去一次,我十年前已經好想去,但一直都冇機會去,而且又覺得好貴,所以去馬代唔單只喺麥兜嘅夢想亦都喺我嘅夢想.由於地球暖化令到水位上升,馬爾代夫將會喺未來五十年之內消失喺人間,所以佢已經成為世界上最後一個人間天堂 喇!聽到呢個消息之後我就諗,如果再唔去就遲啲有錢都冇得去喇!去唔到我咪死咗都唔眼閉囉!所以就的起心肝要快啲去喇!先頭諗住同啲朋友一齊去開心啲,但喺等吓一年等吓又一年,都一直夾唔到,於事就決定同男友私奔,自己倆個去,唔等佢哋!
    嘩!咁多間度假村都唔知揀邊間好,所以決定去之後我就不停咁上網搵資料,睇吓人哋去完嘅遊記,揀吓住邊間好,跟住又去買咗本馬爾代夫嘅旅遊書睇,睇完之後就揀咗七間叫個經紀報價,但喺等咗個幾禮拜都喺得一間四星酒店覆過,而且呢間酒店喺冇水上屋嘅,住四晚沙灘屋都要$11190,跟住個經紀就叫我都喺揀番D星航同馬航有做package嗰啲酒店會容易啲book又會平啲,因為我揀嗰啲有啲直頭話喺唔招待中國人喎!有冇搞錯呀?真喺想告佢地種族歧視呀!我都知道嗰邊的酒店喺full得好快喇,但喺又唔忿氣,就自己試吓上網book吓,又真喺全部full晒喎!有啲直頭去到出年都話full晒呀!真喺誇張!可能佢地都full晒咪唔覆囉!咁都冇辨法喇唯有又要再搵過喇!真喺搞到頭都痛呀!最後左計又計之下都喺揀番個經紀第一間介紹嘅酒店,Angsana Velavaru,貪佢有得搭水上飛機,又喺係馬代第二最遠嗰間,遠啲就污染少啲嘛,而且上網睇過,佢哋啲水上屋真喺靚到暈,水上屋上年七月先起好,仲喺好新,最細嗰間都有1800呎,但喺最抵嘅價錢已經冇咗喇!嗚嗚......最初喺兩晚水上屋兩晚沙灘屋星航package$15900+tax1720,包早晚餐,而家就要$18170+tax$1720只喺多咗個90min spa,計吓條數都喺住四晚水上屋最抵$17770+tax$1720包早晚餐,只喺冇咗個spa但喺可以住四晚水上屋,因為喺淡季去,第一晚仲升級咗住五星嘅Angsana Ihuru,如果喺旺季去就只喺住機場酒店喇!嗰package喺包埋呢晚酒店同水上飛機嘅!


以下喺幾個航空公司嘅package,大家可以比較一吓
http://www.sia-holidays.com/default.asp?tab=pd&menu=2&caid=2&cyid=22&ctid=
http://www.masholidays.com.hk/
 http://www.srilankanholidayshk.com/