Music的天空

   今日可以講喺最後一日喺新西蘭玩喇,因為聽朝就要返香港!起身就例牌喺酒店食早餐啦!

食完就去吉百利朱古力廠,一入去就見到勁多朱古力既山

今朝起身食完早餐就嚟鮮果世界,仲每人送咗一袋生果比我地食

今朝一早就起身喺酒店食早餐,食完就坐升直機去睇冰川喇!好興奮呀點之.....黑仔既事情又發生啦!差唔多食完嗰時個領隊走埋嚟話啱啱直升機場覆番佢,因為嗰邊太大風所以飛唔到,要等多兩個鐘睇吓啲風向先,到時會再覆我地!吓.....唔喺掛,成個行程我地最期待呢個冰川之旅,唔喺又去唔到呀早之比我地瞓多兩粒鐘啦!咁我地唯有周圍行周圍影等通知喇!
喺酒店出面有棵已列入健力士世界大全既巨型聖誕樹

跟住我地返酒店喺附近周圍影,先走去大堂後個露台到影吓,喺嗰度發現酒店個後園有條路可以一直行落一個好靚既湖喎,咁我地就即刻去睇吓,果然真喺好靚呀!

今朝一早起身喺酒店食早餐

食完早餐就向美福灣出發,美福灣(Milford Sound)喺世界八大自然景觀之一,我地喺比旅行社幫我地報呢個自費活動既,每人NZ226來回都喺搭旅遊巴沿途都有中文翻譯介紹,另外NZ586就可以回程時搭小型飛機返酒店,我地全團人都揀NZ226,因為只喺回程搭飛機就要多一陪價錢真喺唔抵,不過有兩個團友喺自己上網訂呢個活動原來喺平一陪價錢既,只喺冇咗中文翻譯員炸,我地又笨咗添.

之前講到我地一去到女王城就車我地去酒店Check In,呢間酒店啲設計好古怪,一入門口大堂已經喺五樓而所有房都喺响樓下嗰幾層,所以一出電梯就覺得啲走廊好陰暗

我地Check In 完一入房就例牌先周圍影,影完先開行李放啲嘢出嚟,但喺我朋友就開咗好耐都開唔到個喼,跟住我去幫手搞咗好耐都喺開唔到,咪唯有叫隔離房個男團友過嚟幫手啦,最後都搞咗好耐先Chok得開個喼,之後我地出去食完嘢影完相返酒店,當我沖涼時,沖沖吓無端端我一條戴咗成十年既頸錬自己喺中間斷開咗,嗰條喺K白金錬本身喺好硬既,就算喺好大力拉都最多喺個扣爛,真喺唔知點解會沖沖吓涼自己喺中間斷咗,我當時都冇諗過啲咩古怪嘢,沖完出番去坐咗一陣就覺得間房好凍,凍到好似雪房咁,我仲問我朋友喺咪開咗冷氣呀?佢話冇喎!咁我地兩個就一齊搵吓個冷氣開關啦,點之間房只喺得部暖氣,根本就冇冷氣既!咁我就話喺喎女王城咁凍都唔需要冷氣呢樣嘢啦,不過間房好似仲凍過條街咁既?
跟住我地都喺唔理咁多瞓覺啦!當時我聽到我朋友好快就瞓著咗,我過咗一陣都瞓著埋,當我瞓到半夜時,我朋友好急咁爬上我張床,當我一開眼就見到佢個死人頭好驚咁貼埋嚟,我真喺比佢咗嚇一跳,睜大隻眼問佢做咩呀?佢就話今晚要過嚟同我一齊瞓,咁是但啦,大家女仔都冇咩所謂既!當時我都知咩事架喇,識咗佢十幾年都未見過佢咁樣,但喺都要鬧吓佢半夜三更搞醒我囉!
到咗第二朝見到佢都仲喺好驚青咁樣就唔問佢發生咩事住,食早餐嗰陣就即刻同個領隊講要換房,佢只喺問咗兩句就即刻話換比我地喇!佢話今日我地去完美福灣玩完返嚟就同大堂講,佢地就會比過條鎖匙我地換房架喇!
當離開咗間酒店搭緊車嗰陣我先問佢禽晚發生咩事?佢就話當時啱啱瞓落床就已經覺得有人瞓咗落嚟,佢自己又好眼瞓,諗住河水不犯井水就放咗個枕頭喺中間瞓過啲唔理佢啦!點之佢瞓到半夜就覺得個枕頭一路迫緊過嚟,佢就打則身再瞓過啲啦,但喺好似繼續喺咁迫埋去想迫佢落床咁,佢已經冇晒位瞓,當佢留心聽吓就聽到有兩個呼吸聲,一個喺我既,另一個喺响佢後面傳嚟,跟住佢都仲詐唔知想繼續瞓,點之嗰隻嘢仲一手揸佢隻痛腳,咁佢就痛到成日彈起衝咗上我張床要同我一齊瞓囉!
後來返到香港佢就e咗間房啲相比個有陰陽眼既朋友睇,睇吓佢見唔見到有嘢啦!點之佢一睇就問我朋友喺咪嗰晚瞓近窗個張床,佢話見到嗰張床有煙升上嚟,個窗簾右上角仲有個人頭,我一聽到就叫佢e張相比我睇,我張佢放大咗之後就睇到喇!真喺有啲驚呀!好彩我唔喺瞓嗰張床啫!佢仲話其實你地一個開唔到喼,一個條錬無端端斷咗,又覺得間房咁凍,都已經比晒警告你地喇,咁都唔醒目走人既!

   禽晚為咗影夜景搞到瞓得三個幾鐘頭就要起身,一早要去機場搭內陸機過女王城(Queenstown),然後一落機就再搭直升機去睇冰川,所以一早我地就已經著到成隻糭咁,點之黑仔既事情又發生喇......一去到機場要Check In時,突然個領隊好緊張咁走埋嚟話,因為智利嗰邊火山爆發啲火山灰吹咗過嚟,所以要停飛,要等下一班機再飛喎!唔喺掛智利咁遠都吹到過嚟,早知比我地瞓多兩粒鐘啦,好眼瞓呀
喺機場度好鬼嘈,所以瞓來瞓去都瞓唔著,咪又出動周圍影啦

   今日第一個行程就喺去毛里族文化村

   新西蘭-由火山爆發之後形成,只有六百年歷史,喺一個全世界最後生既國家,都喺一個全冇污染既國家.
新西蘭主要由南、北兩個大島組成,面積同日本差唔多,佢同澳洲東面只喺相差1600公里,北部同斐濟,東加兩個島國隔海相望.新西蘭人自稱Kiwi,鷸鴕,喺新西蘭既一種特有鳥頪,都喺佢地既國鳥.
新西蘭屬於發達國家,有相當高既生活水準,農業只佔總勞動力的10%,但喺出口產品都喺農產品為主,好似乳製品、肉類、漁產品咁.
有特區護照同BNO就唔駛簽証,電壓:230V電器插頭:三腳斜扁插,時差冬天快香港四個鐘,夏天快五個鐘,.
  N年前自己睇過一個新西蘭旅遊節目之後就好想去,今次終於去到喇,但喺都有好多唔順利既事發生,首先我地去嗰陣喺新西蘭元廿五年嚟最高既,出發前幾個月因為基督城地震,所以全部團都取消晒唔去基督城,我地原本早兩個月報咗團$14999,但喺唔成團又要再報過另外一間雖然就平咗二千蚊,不過又要自費二千幾坐直升機去睇冰川,原前個團喺唔駛錢但喺坐船去睇既.新西蘭喺同香港天氣相反,所以我地六月去已經喺入冬喇!
  10/6/2011終於出發喇,去過一個冬冰冰既六月先,今次要坐夜機去仲要坐十個半鐘頭機先去奧克蘭,對我呢個搭飛機瞓唔著既人嚟講又喺勁痛苦既時間開始喇!