檳城,浮羅交怡之旅-Day 2 (上)－Music的天空

今朝八點鐘就落酒店食早餐,食早餐喺要過對面向海樓,呢度環境真喺唔錯,對住個海同泳池食真喺幾正

食完早餐司機準時九點鐘嚟接我地,我之前上網搵資料知道酒店附近有個檳城蝴蝶公園,可以同佢地近距離接觸,咁就叫司機載我地去玩吓!
啲蝴蝶大多數都喺園入面自己培育同繁殖,亦另外喺檳島同威省都有五個培植中心,入面既蝴蝶有四千幾只,品種都有130種.蝴蝶園出口處喺活昆蟲館,呢度陳列咗2000多只、1400多種既昆蟲,包括：鬼怪蟲、9英寸長既深山千足蟲（馬陸）、葉蟲、竹節蟲、毒蜘蛛、三角犀甲蟲、蛤蚧，仲有舉世聞名既蘭花螳螂、紫喉蜥蜴同喺南非嚟既葉尾壁虎,大草蜢、毒蠍，蛇園既東方鞭蛇、紅尾賽手蛇、蛙蛇、蝮蛇,甚至喺國內熱帶叢林中既蛙類,都會喺呢度見到,仲有好似成日瞓緊覺既水藍蜥蜴,唔單止形狀怪異,駭人,而且好罕見.
入場費:RM27 星期一至五:9a.m.-5:30p.m. 星期六同假日:9a.m-6p.m.

入到去仲有領導員一路帶你行同講解既,我地仲要求咗佢地搵個識講中文既同我地行添

蝴蝶蛋

幼蟲

論壇, Z$ n4 D- d" [0 v' E& M0 z+ T( N( e
含有熱門星期一到星期五: 9am - 5.30pm' C* B5 U4 U5 X0 Q" B* W
周末或假日: 9am - 6pm公仔箱論壇, Z$ n4 D- d" [0 v' E& M0 z+ T( N( e話題，最新最快電視，軟體，遊戲，電影，動漫及日常生活及興趣交流等資訊。. P; T* n% B& T: J6 B1 |" P
tvb now,tvbnow,bttvb,tv series,tv drama,movie,bt,download% B2 T5 g! p

New Lacewing

Tree Nymph

Blue Glassy Tiger

Common Batwing

Striped Blue Crow

千足蟲

New Lacewing

呢兩隻蟲既保護色超強,個導賞員指埋比我地睇都要望咗好耐我地先見到

呢朵花喺用嚟做百合果既花,佢只喺開一日就會謝,我地可以見到真喺好彩

Cethosia Hypsea

Tanaecia iapis

Hebomoia glancippc

啲蝴蝶都唔驚人,好多時都可以放隻手喺佢旁邊等佢爬上你隻手度影相

蘭花螳螂-Orchid Mantis

犀牛甲蟲-Tree-horned Rhino Beetle

呢條蛇我地先頭仲以為喺假既,望咗好耐先見到佢有小小動

玩完已經夠鐘去機場搭內陸機過浮羅交怡喇!司機哥哥車我地去機場之後就四日後會返嚟接我地,因為我地會過去玩四日再返嚟!

Air Asia 個Check in 位喺响入咗機場最右邊既,行李托運就要另外比錢,出發前自己上佢個網度訂會平好多,如果去到磅完先寄就會貴一陪,我地六個人一共訂咗80kg都喺HDK466,坐平價機就喺咁架喇,乜都唔包,如果自己揀位都喺要另外比錢架,不過就算分開坐都冇所謂啦,因為只喺搭35min就到

要自己喺呢啲自助機度Check In,如果你喺起飛前一個鐘內先到就要去櫃位度Check In,但喺就要每人比RM10手續費,我地回程時就喺咁,啱啱過咗兩分鐘部機就唔比我地登入喇!

Check In 完見冇乜時間就去麥記食啲嘢就算

我地有一個分開咗坐,不過我另一個朋友就隔離兩個位都冇人坐喎,咁我地就諗住可以放開安全帶嗰陣就叫佢過嚟坐啦,點之搭咗20min就到咗,連放開條安全帶既機會都冇,當時我兩個朋友仲喺度咬,一個話好似降落緊喎?另一個就話邊有咁快呀?而家先飛咗十五分鐘?點之佢地咬多兩咬,特然就話:吓....已經見到地面啦,哦.....仲降落埋喎....哈哈哈!有冇快得咁緊要呀,又話搭35min而家20min就到,貨不對辨回水呀!!!真喺比佢地吹脹

浮羅交怡（馬來語：Pulau Langkawi）又叫蘭卡威、朗卡維、凌加衞島、叫羅交怡,喺馬六甲海峽,喺馬來西亞吉打州海岸104個大小群島中最大既一個.浮羅交怡喺檳城北面大約112公里,行政上屬於馬來西亞既吉打州,地理位置好近泰國。

攞行李隔離就有好多租車同join local tour既counter,我未行到去就見到個哥哥仔舉起雙手同我Hi!見佢咁好笑容就過去同佢玩吓先!

原來佢喺租車既,咁我地就不停咁同佢講價,又讚佢靚仔又話佢好人,然後又話我地仲要幫襯佢join埋local tour,連冇晒錢都出埋,喺咁要佢計平啲,最後講價講到架十人van原本RM350一日,最終講到RM500四日,真喺誇張,講到我喉都乾埋,哈....又要比個叻字自己先

交易成功之後就到同佢個join local tour既朋友玩喇,我地要join一日出海浮潛,一日紅樹林之旅+釣魚,最後講價講到,浮潛原本RM280一個,而家RM245(潛水另加多RM100),紅樹林+釣魚原本一架船RM800,講到RM700,原來我地喺度玩講價玩咗個幾鐘,真喺講到喉龍痛

p.s.出海浮潛喺分咗兩間公司,一間喺出到去就只喺放你喺沙灘度浮潛,個午餐只喺飯盒,仲要喺難食過飛機餐,呢個只喺百幾蚊就得,另一間公司叫Langkawi Coral,佢喺出到去有一個好大既浮台,浮台底喺玻璃可以望到啲魚喺度游來游去,浮台邊有一啲鐵網,可以比你企落去喂魚,啲水都喺去到隻腳度,所以唔識游水既人都有得玩,午餐食自助餐味道都ok!