檳城,浮羅交怡之旅-Day 3 (下)－Music的天空

一點鐘喺會有船載人去沙灘睇鯊魚仔,但喺我地潛完水上嚟已經錯過咗喇!我地食完嘢之後好想再潛多次,咁就走去問吓教練,佢話加多RM90就可以,我地梗喺即比再潛過啦
第二次潛水就坐船去遠啲既地方,一落水見到成千上萬既魚,我需然都潛過十幾次水,但喺都喺第一次感受到比幾千條魚圍既感覺,真喺好High

Billy教練

教練捉咗隻雞泡魚比我揸住影相,我揸住嗰陣感覺到佢脹得好快,差啲隻手都唔夠大捉住,潛過咁多次水都喺第一次同雞泡魚影相咋,不過嚇親佢真喺唔好意思喇

勁大條石班

潛水Viedo

喺浮台度玩到四點左右就回程,回程上咗船先至落大雨真喺好彩,落到馬頭先見到原來神鷹廣埸就喺馬頭隔離,早知就唔駛嘥咗兩個幾鐘去搵隻鷹啦

返酒店沖完涼都喺六點幾,由於呢度七點幾先日落,咁就諗住今日去Mo Co Co睇住日落食晚餐啦!點之架車一開就發現爆咗呔,我地就即刻揸返酒店搵佢地幫忙,跟住就有幾架的士車駛咗入嚟話可以幫我地,佢就响我地架車個車底搵到個後備呔,不過條呔都喺冇晒氣,咁佢就話要收RM60幫我地攞條呔去打番氣之後再幫我地換,咁我地就諗住搵兩個跟佢去睇住啦,點之佢就話只可以一個跟去,而且唔比坐後座一定要坐喺佢隔離,你當我地喺豬咩?咁樣跟你去點之你會車咗去邊架?采你都有味,零願冇咗條呔好過冇咗條命啦!等咗半個鐘左右佢真喺攞返條呔返嚟仲幫我地換埋,我地仲話抵比啦!搞咗咁耐都已經日落晒,咁就唯有去咗Underwater World嗰條街一間中國餐館食晚飯喇