close


喺魚排食完個午餐之後就去釣魚,船家都同我地轉咗幾個地點先至有魚釣到,雖然啲魚唔喺好大條,不過都話晒喺釣到啲貴價魚吖


釣釣吓又見到一隻唔知喺咩既嘢喺水度游緊,幾驚佢游埋嚟呀



離遠見到一隻好靚既鷹BB,唔知喺咪迷路呢?



釣完魚船家載我地去番碼頭,間公司既車已經喺度等緊,然後就載我地返酒店,
返到酒店沖個涼就揸返架車出去食晚飯


行到一半架車要去油站入油,見到個天好靚又忍唔住影番幾張先



我地帶住今日釣到嗰幾條魚,因為驚當地啲餐廳唔識整,所以都喺決定返去禽晚間中國餐館度食,
幫我地煮要收RM30煮工,呢次真喺妹仔大過主人婆喇



呢幾條就喺今日既戰利品喇

呢餐食咗RM170.5

由於我地連續兩晚都喺嚟呢度食嘢,所以同個肥妹仔侍應已經好好傾,佢知道我地聽日得番半日喺浮羅交怡玩啲時間真喺好緊迫,但喺我地仲有Cable Car同Underwater World未去,咁佢就幫我地打電話去問吓個Cable Car 幾點開,佢問咗原來喺9:30a.m開,咁我地有可能去埋Underwater World,仲同我地講如果聽日真喺趕得切去就過嚟搵佢,因為佢幫我地買飛喺會平啲架,肥妹仔真喺好好人又熱心,我地而家仲做埋朋友添,仲有個潛水教練都喺,佢地時不時都會喺facebook度問候吓我同傾吓計架,所以我都話啦啲馬來西亞人真喺好熱情又好人,所以我地就咁鐘意去馬來西亞玩啦

食完晚飯就行咗一陣街


然後又見到一檔燒烤檔,只喺RM0.5一串,嘩...咁平我地又走去試吓,食落真喺好大驚喜,
估唔到街邊五毫子串既燒烤居然好食到飛起,我地雖然好飽都食完再食,食咗好多串先走
 

真喺飽到上心口,食完就揸架車返酒店覺覺豬喇

PS:喺浮羅交怡夜晚揸車一定要小心啲唔好揸咁快,因為佢地好小街燈,有啲路甚至連街燈都冇,我地有一晚就差啲撞牛,冇錯真喺牛,嗰晚我朋友揸車佢喺有散光既,啱啱行嗰條街就喺冇街燈,當時我男友坐喺佢隔離,佢見到就喺咁叫喂喂喂,但喺我個朋友仲唔知咩事,仲以為喺有個紙箱喺度,行到好近先見到原來有幾隻牛喺條馬路度大無私讓咁走,差半米就撞咗埋去,嚇到我地同一時間大叫,真喺一額汗呀
另外喺浮羅交怡入油喺好平既,而且周圍都有油站,所以唔駛入滿晒唔夠先再入,我地玩咗四日都喺用咗六十蚊油咋,仲要我地又成日行錯路兜大圈呢!而且喺度揸車都唔駛攞國際車牌既,我地都試過有兩次警察查牌,都喺出示香港車牌就放我地走喇

待續......
arrow
arrow
    文章標籤
    馬來西亞 浮羅交怡
    全站熱搜

    Music 發表在 痞客邦 留言(0) 人氣()

    E-mail轉寄