檳城,浮羅交怡之旅-Day 5 (上)－Music的天空

今日仲有半日喺浮羅交怡,因為我地要搭2:15p.m.機返檳城再玩過,我地一早就揸車出發去東方村諗住搭Cable Car

佢地9:30a.m.先開,我地八點幾就去到但喺已經見到好多人喺度排隊,咁我地影完相就喺度食個早餐先,估唔到喺度食早餐都喺好平咋RM8.9一個,仲要喺奶茶咖啡任飲

食完見時間差唔多就出去排隊搭Cable Car,點之.....見到售票處貼咗張告示話今日山頂條橋唔開

唔喺掛?今日咁好天都唔開有冇搞錯呀?仲要唔開都喺要一樣收咁多錢?呢度最吸引都喺呢條橋嘛,

冇開上去都冇咩意思,癈事嘥時間就去攞番架車去Underwater World好過,

真喺山長水遠嚟食個早餐影幾張相

因為之前爆呔就換咗條後備呔上去,而嗰條呔個ling喺唔同款仲要生锈既,而且我地又比咗RM50按金租車,

還車時驚佢地見到就唔知會屈我地幾錢喇,所以我地就去搵車行補番條呔換番先還車

真喺估唔到佢地補番條呔,換番上去仲放番個後備轆落車底都只喺RM5咋
之前我地仲話個的士佬幫我地攞條後備呔去打氣,然後幫我地換埋收我地RM60,仲話抵比,

點之呢度搞咁多嘢都喺五蚊,有冇搞錯?真喺平成咁

跟住我地就返酒店Check Out

攞埋行李然後就返去間中國餐館搵個肥妹仔,因為佢地當地人買Underwater World既飛喺平啲,

佢先比咗啲飛我地RM28

然後去到要再換入場券,佢仲驚我地換入場券時會比人發現唔喺當地人唔比我地入,佢就同我地一齊去,由於佢間餐館同Underwater World要行十五分鐘路,咁我地就諗住佢換完之後車佢返嚟先再入去玩,點之去到實在太多人搞咗好耐先換到,一換完佢就即刻講知道我地唔夠時間玩,因為得番45min我地就要去機場,所以佢自己行番去餐館就得,佢真喺好人到爆燈,我地即刻攬住佢咀咗啖同佢Bye Bye完就即刻衝入去喇!去到Walk in買喺要RM38,即喺我地六個人共平咗RM60