今朝一早就起身喺酒店食早餐,食完就坐升直機去睇冰川喇!好興奮呀
點之.....黑仔既事情又發生啦!
差唔多食完嗰時個領隊走埋嚟話啱啱直升機場覆番佢,因為嗰邊太大風所以飛唔到,要等多兩個鐘睇吓啲風向先,到時會再覆我地!吓.....唔喺掛,成個行程我地最期待呢個冰川之旅,唔喺又去唔到呀
早之比我地瞓多兩粒鐘啦!咁我地唯有周圍行周圍影等通知喇!
喺酒店出面有棵已列入健力士世界大全既巨型聖誕樹
跟住我地返酒店喺附近周圍影,先走去大堂後個露台到影吓,喺嗰度發現酒店個後園有條路可以一直行落一個好靚既湖喎,咁我地就即刻去睇吓,果然真喺好靚呀!
過咗兩個鐘直升機嗰邊都冇覆返嚟,我地真喺冇得去喇,好失望呀
跟住我地就自費去玩Jet Boat NZ$119
揸船呢個超靚仔,個個都要掙住同佢影相
都幾刺激幾好玩,睇吓!玩到我地癲咗
玩完就車我地去搭吊車上博士山
上到去之後就再搭呢啲吊腳車再上去玩滑山車,啲滑山車都幾好玩既,我仲要唔收油喺咁片,一路片仲一路笑,佢地見到都以為我癲咗
玩完就喺山頂間餐廳食自助餐,食食吓仲見到有彩虹,條彩虹仲陪足我地食咁耐,到我地返落山佢都仲未散
臨走見到個BB超得意,忍唔住要影埋先走
然後再去睇人玩Bungy Jump ,我地嗰團有個男團友去跳,就喺之前住喺我地隔離房嗰個,我地幫佢改咗個花名叫呀Chok,因為佢每次影相時都會Chok樣,加上我朋友開唔到個喼都喺佢幫手Chok開個喼既,所以佢就名付其實叫呀Chok,我地一團人去同佢打氣,點之當佢跳完之後我地又有個女團友又話要跳,真喺睇佢唔出,佢仲定過啲男仔,佢上到去一啲都唔驚,仲要喺度跳埋舞添
玩完笨豬就去黃金物館玩淘金,不過我地全團人都冇去淘,心諗有金都一早比人淘晒都唔輪到你去淘啦
喺博物館旁既小河就喺一百年前啲人淘金既地方,亦喺魔戒其中一幕既外景地
今日既行程就完晒,咁架旅遊巴就車我地返酒店時我地都話想去市中心行吓,咁就喺嗰度放低我地,嘩.....一落車就見到個景好靚,咁我地就當然唔會放過喇!
其他團友就去行街,我地兩個就喺度狂影,影完之後見到呢度有間好大既百貨公司,之前都冇行過,咁就入去睇吓啦,點之喺入面撞番晒啲團友,原來呢度除咗貨種多之外最重要喺如果你買滿NZ100,就可以減番稅9%仲要幫你封箱寄返香港,咁我地又喺度大出血喇!
之後就去食晚餐,今晚都喺食中國菜
食完飯冇嘢做諗起未試過玩塗鴉,咁我地幾個團友一齊喺酒店出面玩,雖然好凍但喺都玩得好開心
待續.......
文章標籤
全站熱搜
留言列表
