萬宜水庫喺香港最大既水塘，亦喺响海中興建而成，位於西貢東同西郊野公園裏面。水庫既興建工程宏偉，分別喺糧船灣洲同西貢半島東部海峽既東西兩端，興建咗兩條高過水平線有六十四米既石壩，工程喺一九七一年開始，一九七九年完成，儲水容量達二億八千萬立方米。
萬宜水庫東壩既巨大錨形石防波堤別具特色，喺壩上迎著濕潤既海風觀望日出，別有一番滋味,東壩同破邊洲一帶仲有奇異既六角柱狀凝灰岩.

去萬宜可以坐西貢市中心開出既94號巴士或鑽石山港鐵站既96R巴士(週末同公共假期先有)，經過北潭涌後落車。沿大網仔路前行到岔路口，靠右手邊既西貢萬宜路再行9公里，就到萬宜水庫東壩，遊覽萬宜地質步道。

地 圖

  1. 紀念碑
  2. 大壩
  3. 斷層
  4. 六方岩柱
  5. S型岩柱
  6. 玄武岩岩脈
  7. 節理
  8. 海蝕柱
  9. 海蝕洞



15/4/2012我地一行十幾個龍友一齊去影相,一路行一路影加上大家都拎住好重既攝影工具,所以比其他人都行得特別耐,行完真喺累到冇朋友.
 
 



鐘形虹吸溢洪道


取水塔

行咗兩個半鐘之後到咗白腊村口,我地又累又肚餓,於事我地就博一博落去條村度搵嘢食



行完一條好斜既山路到咗一個平原,見到有好多牛牛响度,仲有啲村屋



行咗二十分鐘終於到咗一個海灘,呢度有間食店可以食吓嘢休息吓喇!


我地食完碗麵就好似呢隻狗咁hea咗個幾鐘先上番去繼續行,搞到太陽伯伯都開始落山喇!



最後我喺連個石壩都冇行到落去,因為真喺太累喇,一見到行落去條路又喺咁斜,諗起行完要上番嚟會好金,加上天都就快黑,坐咗一陣見到有的士就即刻上車走人喇!

PS:其實最好就喺一開始喺北譚涌落咗車之後就搭的士入去石壩,影完石壩先行番出北譚涌,咁就沿路都喺落斜,就會行得舒服好多,又唔駛擔心冇的士出番嚟啦!
arrow
arrow
    文章標籤
    攝影 香港 萬宜水庫 破邊洲
    全站熱搜
    創作者介紹
    創作者 Music 的頭像
    Music

    Music的天空

    Music 發表在 痞客邦 留言(0) 人氣()

    E-mail轉寄