今朝一早起身喺酒店食早餐
食完早餐就向美福灣出發,美福灣(Milford Sound)喺世界八大自然景觀之一,我地喺比旅行社幫我地報呢個自費活動既,每人NZ226來回都喺搭旅遊巴沿途都有中文翻譯介紹,另外NZ586就可以回程時搭小型飛機返酒店,我地全團人都揀NZ226,因為只喺回程搭飛機就要多一陪價錢真喺唔抵,不過有兩個團友喺自己上網訂呢個活動原來喺平一陪價錢既,只喺冇咗中文翻譯員炸,我地又笨咗添.
可以入去呢個網度訂 http://www.realjourneys.co.nz/traditionalchinese/zh-TW_MilfordSoundNatureCruises/
架車開咗大約兩個鐘就喺一個好靚既湖邊停低比我地休息半個鐘,呢度有啲小賣店同超級市場,我地就梗喺唔會放過呢啲時間啦,去完個廁所就衝落去個湖度狂影喇!
上返車再開多40分鐘又喺一個好靚既地方停低比我地影相
上番車再行多40分鐘就喺一個河邊停低,佢地話呢度既河水喺由雪山啲雪滆咗然後流落嚟既,所以喺可以就咁飲好清涼好乾淨喎,因為當時落緊大雨所以我地都冇去試,全車人得幾個人落去,
我地就喺架車度等時突然發現路邊有隻好大隻雀,就忍唔住衝咗落去影喇!原來呢隻叫奇阿鳥(Kea)
再行多陣又喺一個地方停低比我地休息吓影吓相
最終用咗五個鐘頭時間,終於到咗個碼頭,再搭船去美福灣
美福灣(Milford Sound)喺响一萬五千年前比冰河侵蝕而成,佢喺全世界最潮濕既地方之一,全年降雨量六千毫米以上,所以全年只得六十幾日喺好天,我地咁黑仔就梗喺唔會撞正好天啦!一落車就一直落大雨喇!開咗船之後就開始喺架船度吃個午餐,沿路都有好多瀑布睇,不過一直都落大雨,所以每當架船駛近啲瀑布時,我地就衝出去影相,好彩我帶咗個相機雨衣去啫,唔喺部相機咪好危險,不過我成日衝出去影相,出面又大風又大雨又凍,吹到我個頭亂晒,搞到成個癲婆咁
沿途都有機會見到海豚,海豹,我見到有海豚跳上水面不過就影唔切,只影到兩隻海豹,但喺實在太遠,所以影得好細隻
架船回程返到碼頭就即刻出太陽,真喺吹脹
影唔到海豚唯有偷影佢地張海報喇,喺咪好似呢?
回程唔會再有停站,所以就搭咗兩個幾鐘就到咗今朝好靚嗰個湖,由於架車要去入油所以今次要喺到等一個鐘,但喺就已經喺黄昏反而個景仲靚
玩完就車我地返酒店,今晚個晚餐喺自費既,其他團友就幫襯個領隊介紹既海鮮火煱NZ80,我地就覺得一場嚟到就梗喺自己去搵吓啲當地嘢食啦,順便可以自己周圍影吓相嘛
行咗一陣我地就喺決定喺一間酒吧食嘢
呢個喺個待應介紹我地食既,真喺幾好味架
我地兩個人加埋都喺食咗NZ71,好過去食個火煱啦,佢地食完都話麻麻地
食完就返酒店瞓覺,因為聽朝要一早起身去睇冰川
待續.....
文章標籤
全站熱搜
留言列表
