馬爾代夫七日五夜夢想之旅2010-Day3－Music的天空

禽晚好早就瞓所以今朝六點幾就起身喇!走出露台睇吓.....嘩!啱啱日出個景好靚呀!不過呢邊喺日落方向,所以就影唔到個咸蛋黃喇!

呢個喺佢地嘅海水化淡處

跟住去食早餐,一入到去就撞到兩個福輝,佢地居然仲早過我地喎!間間酒店嘅早餐都喺食Buffet,呢度都唔例外

我出咗去攞嘢食時,個侍應攞咗個餐牌埋嚟,我隻佬又以為要錢咁就話唔要,原來喺可以比你揀一樣嘅!

佢兩個福輝就要咗一個Benedict土司,睇落好靚喎!但喺佢哋話個包好硬唔好食,不過入面啲料就好好味!

酒店每日都有個免費外海環礁浮潛(House Reef Snorkelling),我哋四個報咗今朝去,所以食完就返房換泳衣,然後返出碼頭等上船

點之一上船就開始想落雨,唔喺咁黑仔呀?雖然唔駛錢啫,個天都唔駛咁樣對我哋吖!一出到去個船家就話喺呢度可以落去浮潛喇!我望一吓,喺係個海中間喎,突然Janet就二話不說自己跳咗落去,King Kong就喺度大叫:喂!你唔等埋我呀!但喺佢又比其他人阻住追唔到,跟住同我哋講話佢老婆游水唔得!咁我隻佬就即刻跳落去幫佢追老婆,我咪自己再跳落去追埋一份囉!但喺佢老婆就話自己喺識游水!佢自己都唔驚,喺佢老公緊張啫!真喺比佢哋兩隻福輝玩死呀!仲諗住可以做救人英雄添!
但喺潛落去都喺得好小魚睇,啲珊瑚又唔靚,個教練就不停叫我哋向岸邊方向游,我哋就喺咁游,越游就越發覺啲能見度越差,原來已經開始落雨,跟住見到有個女仔自己一個人去,又冇著救生衣,就見到啲浪越嚟越大,佢突然大叫:Help!Help!Help!當時我隻佬就啱啱喺佢隔離,就即刻埋去扶住佢,跟住個教練就好似一條飛魚咁即刻飛咗埋嚟救人,然後就拉佢返上船喇!我哋都唔知個女仔做咩叫救命,游水唔叻就著救生衣先落水啦!喺個海中間喎!好危險啫!我哋就死都著住佢唔除喇!跟住我哋就繼續游,越游越大雨,越游越大浪,其他人全部都上晒船,淨喺得番我哋四個同教練,我哋仲覺得好刺激好好玩,佢見我哋唔驚就繼續同我哋一齊玩,但喺望落海就已經乜都睇唔到喇!咪唯有上番船走人囉!返上船之後就即刻開船返Villa,但喺未返到去就已經停晒雨喇!個天喺咪咁玩嘢呀!激死人喇!我哋落咗船之後,大家都覺得早之唔嚟喇!喺間屋度落去浮潛好過,嘥晒啲時間,咁我就話反正都濕晒不如返去屋出面再潛過喇!咁大家就相約喺海中等喇!
就喺個露台度落去,一落水游冇幾遠就見到好大嘅珊瑚喇!仲有好多唔到款式嘅珊瑚添!

呢棵珊瑚好似雪花咁,真喺好靚

啲魚五顏六色好靚呀!

藍星斑都有

好多呢啲有角嘅魚,不過唔知佢喺咩魚

原來自己屋下面仲住咗一隻龍蝦仔同一條獅子魚仔,不過佢哋成日理埋喺個石入面影佢唔到

沖完涼都成兩點幾,就約埋兩個福輝去食晏

今次過晒食晏時間所以就可以坐入去食,唔駛坐喺出面梳化位,舒服好多

禽日就喺要坐喺呢度食Lunch喇!

呢餐我哋叫咗個Norvegiese Pazza USD$25

可樂USD$5,呢度喺汽水最抵飲五蚊有成兩杯咁多

Ice Cappuccino USD$7

食食吓個廚師仲攞咗啲麵包同甜品過嚟話送比我哋食,可能佢哋過晒午餐時間,食唔晒咪送埋比我哋食囉!(如果要Half Board,就喺每日午餐都喺食Buffet)

食完又再周圍影過

跟住仲喺走廊下面見到有條好大條嘅炮燀魚

我哋book咗5:30p.m.去黃昏睇海豚(Sunset Cruise)USD$55就返房準備去喇!點之換完衫又開始落雨喇!跟住酒店又打電話嚟話要取消,要改聽晚,但喺我哋聽晚book咗去釣魚(Night Fishing)USD$45,後日又book咗去環礁浮潛(Snorkelling Safari)USD$50,因為睇人哋啲遊記話呢個浮潛喺帶你去睇啲好靚嘅海底世界,一定要參加,另外釣魚就一定有收獲,但喺睇海豚就冇人提過,所以我哋就決定放棄睇海豚喇!鬼叫落雨咩,連續兩日都喺咁,希望呢度啲staff講話聽日會好天喺真啦!唔喺一場嚟到咩都玩唔到就慘喇!