終於要走喇!Bye Bye喇我嘅Dream House,
等到三點有船嚟接我哋上水上飛機返馬里,今日個天氣好好,可以喺機上補影番啲靚景
Maldives Seaplane-水上飛機篇 Viedo
返到機場都喺四點,但喺我哋就搭今晚23:55p.m.機,所以酒店就安排咗個免費馬里半日遊比我哋,真喺要讚吓Angsana Velavaru嘅service,果然夠細心,唔駛我哋呢半日唔知做咩好,只要比USD$3就可以放低啲行李幫你睇住到上機,跟住就有幾個當地導遊埋嚟,然後分配幾個人跟一個導遊,我哋四個就揀咗個個樣好純品嘅,見到另外有兩個都喺講廣東話,就問吓佢哋喺咪香港人,大家都喺香港人就梗喺叫佢哋跟埋嚟一齊玩喇!佢哋就喺Simon&Kimmy喇!我哋六個就一齊去遊吓馬爾代夫嘅首都-馬里,而喺Angsana識個兩個西安朋友仔就跟咗一個個樣古古滑滑嘅,真喺有啲替佢哋擔心.
然後喺機場隔離個碼頭再比USD$1搭船過馬里市
呢個喺佢哋嘅回教教堂
當地學校
舊官邸
紀念陵墓
總統宮殿
古回教堂
入面呢啲牆身喺用珊瑚砌成
伊斯蘭中心
警察總部及紀念廣場
行番轉頭時啱啱撞正啲軍人喺度練習
對面個島喺個隔離監獄
當地市場
馬里市都有HSBC
然後帶我哋去買紀念品,個導遊話一定要講價
一輪講價之後所有嘢都半價成交,喺入面撞到兩個西安朋友仔,佢哋話佢個導遊話喺冇得講價喎!我哋就梗喺幫佢哋講埋價囉!睇嚟我哋揀個樣純品啲真喺冇錯嘅!
買完嘢之後個導遊話帶我哋去食晚餐,但喺因為我睇過人哋嘅遊記話佢嗰次食咗佢成千蚊港紙,所以我哋就話自己返去機場食,但個導遊話機場食嘢好貴!咁我哋就問佢喺呢度食要幾錢,佢話有平有貴,Janet就同佢講話我哋已經洗晒啲錢,冇乜錢喺度喇!咁佢就話帶我哋去食啲平嘢,仲話我哋可以入去睇吓先,唔啱可以唔食嘅!跟住就喺個古回教堂斜對面嘅一間當地餐廳,見到入面都喺坐咗啲當地人喺度食嘢,咁就一定唔會好貴喇!最後每人都喺食咗USD$17,仲要喺好好味喎!
食飽飽就返去機場等上機,由於Simon兩公婆喺搭馬航,喺比我哋早一個鐘頭上機嘅,所以喺呢度就要同呢兩個識咗半日嘅朋友仔講Bye Bye喇!
佢哋走咗之後我哋就喺出面坐等上機,天氣咁熱又玩咗成日真喺好想沖番個涼,突然比我發現有個沖涼房,走入去睇吓,入面喺有一格格嘅獨立沖涼房,仲要有埋番皂架,正!沖完個沖舒服晒!
坐多一陣就早啲入去Check in上機喇!
點之Check in完居然見到Simon同Kimmy,原來佢哋啱啱Check緊 in時,嗰部電腦就死咗機,佢哋真喺黑仔就咁企喺嗰度成個鐘先Check到in,然後佢哋就即刻飛奔入閘,我哋就慢慢行因為仲有大把時間囉!
點之入到去居然仲見到佢哋兩隻嘢坐喺度,原來佢哋班機要延遲,佢哋真喺勁黑仔呀!
我哋就大家一齊坐喺度吹水等上機,突然發現佢哋張馬航機票好搞笑,睇吓個飛行時間居然喺4HR60MIN,點解唔寫5HR,真喺爆趣!
我哋喺度坐咗咁耐都唔見個兩個西安朋友仔,真喺有啲擔心,唔知佢哋兩個有咩意外呢!到我哋可以上機,但Simon兩公婆都仲未上得機呀!最終我哋上咗機成個鐘佢哋先上到,佢哋真喺黑仔到爆,佢哋仲話個機師揸得好差,搞到佢哋去到吉隆坡 之後好似take咗嘢咁,真搞笑!
我哋就搭咗4HR45MIN去到新加坡
留言列表
