Music的天空

馬爾代夫Maldives,喺印度西南方約600公里嘅印度洋上面,有1190個珊瑚島,形成咗26個環礁同數唔到嘅大小礁岩而組成,有200個島有人住,荒島就有200個,响2004年南亞海嘯之後而家嘅度假村大約有100個,佢喺一島一酒店.全個馬爾代夫嘅總面積有115300平方公里99%喺海,所以陸地就只有300公里,首都喺馬里Male,成個國家嘅總人口都喺得嗰27萬,喺香港一個區都多過佢喇!馬爾代夫喺橫跨赤道,喺熱帶氣候,四季分別唔大,最熱喺4月26.5-31.5度,最凍喺12月都只喺25.3-29.8度,12月至4月喺旱季,最乾旱喺係2月,5月至11月喺雨季,最多雨喺係6月,由於亞州同歐州都開始回暖,又加上佢地喺雨季,所以每年嘅5月至7月都會喺淡季,間間酒店都會大減價,有好多酒店都喺住四晚比三晚錢,五晚比四晚,所以去馬爾代夫最平喺5至7月,我個大假就咁啱喺5月喎!正!
    好多人都話馬爾代夫喺一生人最少要去一次,我十年前已經好想去,但一直都冇機會去,而且又覺得好貴,所以去馬代唔單只喺麥兜嘅夢想亦都喺我嘅夢想.由於地球暖化令到水位上升,馬爾代夫將會喺未來五十年之內消失喺人間,所以佢已經成為世界上最後一個人間天堂 喇!聽到呢個消息之後我就諗,如果再唔去就遲啲有錢都冇得去喇!去唔到我咪死咗都唔眼閉囉!所以就的起心肝要快啲去喇!先頭諗住同啲朋友一齊去開心啲,但喺等吓一年等吓又一年,都一直夾唔到,於事就決定同男友私奔,自己倆個去,唔等佢哋!
    嘩!咁多間度假村都唔知揀邊間好,所以決定去之後我就不停咁上網搵資料,睇吓人哋去完嘅遊記,揀吓住邊間好,跟住又去買咗本馬爾代夫嘅旅遊書睇,睇完之後就揀咗七間叫個經紀報價,但喺等咗個幾禮拜都喺得一間四星酒店覆過,而且呢間酒店喺冇水上屋嘅,住四晚沙灘屋都要$11190,跟住個經紀就叫我都喺揀番D星航同馬航有做package嗰啲酒店會容易啲book又會平啲,因為我揀嗰啲有啲直頭話喺唔招待中國人喎!有冇搞錯呀?真喺想告佢地種族歧視呀!我都知道嗰邊的酒店喺full得好快喇,但喺又唔忿氣,就自己試吓上網book吓,又真喺全部full晒喎!有啲直頭去到出年都話full晒呀!真喺誇張!可能佢地都full晒咪唔覆囉!咁都冇辨法喇唯有又要再搵過喇!真喺搞到頭都痛呀!最後左計又計之下都喺揀番個經紀第一間介紹嘅酒店,Angsana Velavaru,貪佢有得搭水上飛機,又喺係馬代第二最遠嗰間,遠啲就污染少啲嘛,而且上網睇過,佢哋啲水上屋真喺靚到暈,水上屋上年七月先起好,仲喺好新,最細嗰間都有1800呎,但喺最抵嘅價錢已經冇咗喇!嗚嗚......最初喺兩晚水上屋兩晚沙灘屋星航package$15900+tax1720,包早晚餐,而家就要$18170+tax$1720只喺多咗個90min spa,計吓條數都喺住四晚水上屋最抵$17770+tax$1720包早晚餐,只喺冇咗個spa但喺可以住四晚水上屋,因為喺淡季去,第一晚仲升級咗住五星嘅Angsana Ihuru,如果喺旺季去就只喺住機場酒店喇!嗰package喺包埋呢晚酒店同水上飛機嘅!


以下喺幾個航空公司嘅package,大家可以比較一吓
http://www.sia-holidays.com/default.asp?tab=pd&menu=2&caid=2&cyid=22&ctid=
http://www.masholidays.com.hk/
 http://www.srilankanholidayshk.com/ 
 
  因為全部機都喺下晝起飛,去到已經喺夜晚,而水上飛機只有日間飛,因為佢喺低飛夜晚飛就會好危險同埋影唔到啲靚景喇!所以第一晚就一定要喺近機場嘅酒店住,等第二朝先可以再搭水上飛機入去.(如果搭馬航會平七百幾蚊,不過轉機時間就要等四個幾鐘,而且回程時仲要停一停斯里蘭卡,又唔見多兩個鐘,搭星航就轉機時間只喺個幾鐘,而且又可以搭A380咁就梗喺揀星航喇!)去馬代以前喺係澳門就有直航去,但喺已經停航喇,所以而家喺冇直航去嘅!喺香港去就只可以揀星航,馬航或斯里蘭卡航空去.
    去馬代揸BNO同特區謢照喺免簽証嘅,嗰邊都喺收美金!我知道喺香港唱外幣喺去中環嘅百年最抵嘅,但喺我又懶得專登走過海去唱錢,於事就去咗企屋附近D銀行唱唸住早一個禮拜訂定啲一蚊美金到時用嚟比貼士,點之去到銀行佢地check到啱啱有批一蚊美金到咗,真喺好彩呀!仲要喺跟晒Number!

  訂咗之後就上網睇吓人哋去完嘅遊記,個個都大讚呢間酒店,佢地影啲相真喺同酒店放出嚟嗰啲一樣咁靚,睇完佢地啲遊記好多人都話去到之後book佢地啲活動好多都full晒,所以我就即刻出email比佢地先問佢地攞活動時間表同價錢,夜晚出email佢地第二朝就即刻send晒比我喇!我就揀咗三個活動叫佢地幫我訂,早啲訂咗就唔驚到時去到想玩嗰啲冇得玩嘛!
2010/5/21終於出發喇!我哋喺搭15:40p.m.機,第一次搭A380真喺大好多 咁喎!

 
  搭咗一陣就開始食飛機餐,A380嘅飛機餐真喺好好味,都喺第一次食到好味嘅飛機餐咋!
 

 
仲有Haagen-Dazs雪糕食呀!

 

要另外再搭列車由T1去T2

雖然話有1h15min轉機時間但其實都有啲趕!因為落咗車都要行十幾分鐘路嘅!好彩唔駛再攞番啲行李,行李喺直接送去馬里嘅!仲有唔知點解喺香港起飛時遲咗大半個鐘先飛,不過又好彩佢飛番快啲準時到新加坡 ,唔喺就真喺趕到甩碌呀!
食咗支煙都已經夠鐘喇!呢度個吸煙區喺係室外一個公園仔嚟嘅,都幾靚!

跟住呢程就要搭4h45min,但呢餐啲飛機餐就好難食喇!啲牛肉好似食緊牛肉乾咁!
 

  但喺呢餐嘅雪糕就好味過A380嗰杯喇!

馬爾代夫機場喺係馬里市搭10分鐘船去嘅附近礁島Hulhule胡胡列島,一個好細好簡陋嘅機場.呢度喺比香港慢三個鐘,去到都喺22:00p.m.但喺其實已經喺香港時間1:00a.m.喇!

 
一出機場就見到有人揸住個Angsana牌喺度等我哋,跟住帶我哋去佢哋個counter,原來只喺行前幾步就喺喇!
 

 
啲船家比咗啲救生衣我哋著,心諗搭呢隻船都要著救生衣咁安全嘅!我哋三pair人搭呢隻船,睇落佢哋都似香港人喎!上咗船之後聽到佢地喺講廣東話!有兩個仲喺搭A380嗰時坐我哋前面嘅!真喺啱呀!

搭咗半個鐘左右就喺一個好靚嘅島停咗,仲以為到喇,點之原來喺去到Banyan Tree先放低倆件,我地四個就仲要再搭多幾分鐘先到,落咗船就見到清到見底嘅海水,仲見到有啲魚游來游去,真喺開心!一去到就帶咗我哋入去坐低,比條有啲香味嘅毛巾我哋抺手,嗰啲香味應該喺防蚊嘅,又比啲水我哋飲,仲有杯似喺雪芭嘅嘢比我哋食,真喺涼透心呀!

呢晚我哋喺住沙灘屋,
 

 
一入到去佢哋已經開定冷氣,點定香薰比我哋,呢間屋雖然唔喺好大,但喺比起平時住開啲酒店都大啲,而且啲設計都幾靚!

 

床上面仲放咗呢隻小海龜公仔禮物比我哋,真喺好有心思!

 
沖涼個位喺露天,一路沖一路望吓啲星星真喺好得意!

 
又有枝水送比我地飲

但喺最衰就喺有好多巨型螞蟻喺度,去廁所時成日要驚啲蟻爬上我度!

行出露台就喺個沙灘,可惜太黑影唔到景,唯有等聽朝再影過喇,出面仲有個遷揪喺度,不過太黑唔敢出去玩呀!

 
影完一輪諗起頭先落船時碼頭附近個景都好靚,我哋又出動去影過,一出門口行咗幾步就見到有啲嘢喺到走來走去,最初都比佢嚇咗一嚇,望真啲原來喺啲蟹仔喺度走來走去.

 
再行返出去點之全部都熄晒燈得番個碼頭位有著燈咋!唉!白行一趟,唯有返去沖涼瞓覺喇!