Music的天空

今朝八點鐘就落酒店食早餐,食早餐喺要過對面向海樓,呢度環境真喺唔錯,對住個海同泳池食真喺幾正

檳城啲榴槤出名好食,原本我地喺好想去寶盛園食樹上熟既榴槤,但喺司機哥哥話六月尾至八月先有,佢見我地咁想食就帶咗我地去街邊生果檔度食貓山王

RM90,真喺好正

食完個咁正既榴槤就終於返酒店Check In,酒店起喺Batu Ferringghi海灘上面,距離Tropical Spice Garden、Penang Cultural Center,玩具博物館同蝴蝶農場都好近.
酒店分咗向海同臨海兩座,兩座樓喺隔咗一條馬路,或者可以喺一樓條天橋行過去都得,我地就住喺臨海嗰座

26/5/2012出發喇!我地坐國泰8:20早機去,飛3hr40min,12:00就到咗檳城

檳榔喺馬來西亞北部,因為有好多檳榔樹而得嚟呢個名.檳榔嶼原本只喺一個荒島,只有海盜喺度住,到咗18世紀尾比英國東印度公司既法蘭斯船長發現,而且向吉打國蘇丹租借,將呢度一步步咁發展,呢度有85%喺華人,所以周圍都見到中文字,而且有好多華人都識講廣東話,其餘都喺印度人同馬來土著,閩南話喺呢度好通行.首都喺檳城,又叫"喬治亞市"或者"喬治城",喺檳榔嶼既東北端,喺馬來西亞最大既國際自由商港同全國第二大城市.檳榔嶼周圍都有多姿多彩既宗教同文化特色,州立博物館、藝術館、佛教寺廟同清真寺遍佈成個島,反映咗由18世紀以嚟好多民族一齊開發呢個咁靚島嶼,檳城有好多風味小食,呢度賣啲嘢多數都喺免稅,價錢又平,由吉隆玻、新加坡 、香港、曼谷都有飛機直到檳城,而由吉隆玻搭火車可以去到檳城對面既北海,再轉搭船或者巴士過海就到檳城

檳城(penang),浮羅交怡(Langkawi)~ 一個好多人都聽過或者去過既地方,但喺我地就喺未去過,所以今次就決定去呢度玩六日,馬來西亞真喺好似玩唔完咁,數數吓原來我今次已經喺第五次去馬來西亞喇!雖然去咗四次不過就每次都去唔同既地方,真喺幾鐘意呢個地方架,嗰邊啲人好熱情又好人,食嘢買嘢都平,真喺好好玩! 我地先去檳城玩一日,然後就再坐內陸機去浮羅交怡玩四日,跟住就再返去檳城玩多一日先返香港,總共就玩六日喇!
  由香港去檳城我地喺訂國泰既package,住Holiday Inn Penang一頭一尾共住兩日,連來回機票$2290+Tax$816=HKD3106一個人,由檳城去浮羅交怡我地就訂Air Asia既package,住Sheraton Langkawi Beach Resort四日連來回機票+Tax$2046一個人,即喺成個行程既package喺HKD5152.訂好之後我一有時間就上網搵資料,知道檳城嗰邊搭車都幾唔方便,佢地嗰邊啲的士比較小,所以好多都喺吊高嚟賣,上車前一定要同師機講價,佢地永遠都唔喺睇表收錢,我地六個人去仲要每次都要分兩架的士,過咗夜晚十二點就仲要收貴啲,真喺好唔方便,搭巴士又等好耐先有一架,如果自己租車又唔喺周圍都可以泊到車,而且嗰邊啲路又唔好揸,仲會成日塞車,好彩比我無意中喺網上邊搵到一間包車公司,佢地有十人Van仔,仲有埋司機車我地周圍去,仲要做埋導遊又可以幫我地安排埋行程,又可以叫佢載自己想去既地方,真喺好方便,我地send email過去講我地既全程飛機時間,住邊間酒店,佢地就好快覆返我地,而且仲安排好行程比我地,真喺好快手.佢地包車既價錢RM200 for 4hrs ,RM300 for 8 hrs, RM360 for 12hrs.由機場去我地住間酒店要55分鐘,淨喺呢段車程都要MYR100,我地成個行程要來回共四次都要RM400喇,如果搭的士仲要分兩架,即喺要RM800,所以佢地就建議我地先玩幾個景點至返酒店Check In,由機場接我地開始就計車鐘,咁樣我地就可以平咗好多喇!呢個喺佢地覆返我地既email:

机场 ==> 蛇庙 （途径，你可以选择不要去）==〉午餐 （新世界foodcourt,你可以吃娘惹食物，或其它槟城小吃) ==> 环游市区（景点包过娘惹博物馆，钟楼，姓氏桥，小印度，蓝屋等等）==〉酒店 （check in）==〉关子角晚餐 ==〉去市区找吃 ==〉回酒店休息

27/5 酒店 （9am) ==〉卧佛 ==〉康乃鲜楼骨茶（bak kuk teh) ==> 机场 (12.15pm)

同幾個同事仔原本約好去塔門影相,點之呢幾日都落大雨,所以一起身見到個天都喺好黑,而且仲落緊微雨,所以都喺轉軚去西貢獅子會,去到如果落雨都可以入去啲館度避吓嘛!
西貢獅子會自然教育中心~ 一個大自然既活動教室，呢度有五個室內展館，分別喺農館、昆蟲館、貝殼館、郊野館同漁館；戶外展區就有中草藥園、趣味植物、礦石角、美果園等，比大家透過動植物，認識香港既自然環境。有大型模型同互動遊戲既農館、昆蟲館同貝殼館，可以引起小朋友既學習興趣，寓學習於娛樂。
景區介紹：
農館：介紹香港喺 1950、1970、1990 年代既農業發展過程，同展出各種傳統既耕具。
昆蟲館：展示香港同外國常見既昆蟲，同透過昆蟲模型同標本，介紹佢地既相關資訊，如外形，成長過程、習俗咁。
貝殼館：採用蚌形建築，展出多達 5000 個貝殼，從中認識唔同斑紋、圖案同色彩既貝殼。
中草藥園：入面種植咗過百種中草藥，等大家對中草藥有更深入既了解。
自然教育徑：自然教育中心入面，有一條長1公里既蕉坑自然教育徑，入口喺中草藥園旁，周圍都綠樹成蔭。喺教育徑一路行可以聽到蟲聲鳥聲，可以認識到多種植物，好似烏毛蕨，又可以識到由樹根造成既岩石崩裂風化現象，又可遠望馬鞍山既風景,一直行，就到趣味植物旁既終點站，認識植物既腐生系統。

萬宜水庫喺香港最大既水塘，亦喺响海中興建而成，位於西貢東同西郊野公園裏面。水庫既興建工程宏偉，分別喺糧船灣洲同西貢半島東部海峽既東西兩端，興建咗兩條高過水平線有六十四米既石壩，工程喺一九七一年開始，一九七九年完成，儲水容量達二億八千萬立方米。
萬宜水庫東壩既巨大錨形石防波堤別具特色，喺壩上迎著濕潤既海風觀望日出，別有一番滋味,東壩同破邊洲一帶仲有奇異既六角柱狀凝灰岩.

去萬宜可以坐西貢市中心開出既94號巴士或鑽石山港鐵站既96R巴士(週末同公共假期先有)，經過北潭涌後落車。沿大網仔路前行到岔路口，靠右手邊既西貢萬宜路再行9公里，就到萬宜水庫東壩，遊覽萬宜地質步道。

1. 紀念碑
2. 大壩
3. 斷層
4. 六方岩柱
5. S型岩柱
6. 玄武岩岩脈
7. 節理
8. 海蝕柱
9. 海蝕洞

19/03/2012同幾個同事一齊去花展影相,入場費$14,可以用八達通比錢唔駛排隊買飛都幾方便,今年個主題喺風信子,個花展喺响16號先開始,但喺我哋去到的花都開始有的燶燶地咁,需然喺星期一但喺都超多人,喺啲風信子度就有最多蜜蜂喺度,亦喺最多人影相既地點,所以我影啲蜜蜂都等咗好耐先等到個靚位影.

年前我同兩個男仔跟團去美加十一日旅行,當我地去到L.A時就入住喺一間H字頭既五星酒店,Check In後發現其他團友全部都住喺五樓,就得我地三個住喺四樓,個領隊就話因為啱啱滿晒突咗我地三個所以我地就要另外住喺四樓,咁我就同男友一間房,我個朋友就另外自己一間房,當一入房放落啲行李我就聽到有人拷窗口既聲,我望出去又見唔到有嘢,心諗呢度喺四樓咁高冇可能會有人喺出面拷到窗門,唔喺又撞嘢掛?咁我就叫我男友拉埋個窗廉就算,嗰日玩完返嚟我個朋友就話好累就喺我地間房個梳化度瞓著咗,過咗一陣我同男友都見到佢喺梳化度好似喺發緊惡夢,因為佢喺度喺咁搖來搖去,我地兩個叫佢都唔醒,跟住佢突然碌大隻眼醒咗,成頭大汗咁話發咗個好真既惡夢,佢夢見自己返咗去細個嗰時住既屋村,見到一啲舊街坊,但喺佢地突然間變咗全部塊面都青綠色爛晒,一步一步咁行埋自己度,而自己就動唔到只喺企咗喺度,佢話個夢好真好恐佈,咁我男友就突然間彈咗一句:佢比嘢入夢呀!

嗰晚我好快就瞓著咗,到咗第二朝佢地兩條友又喺度嘈生晒,原來禽晚當我瞓咗之後,我男友就不停咁聽到有人喺床邊行來行去既聲,嘈住佢都瞓唔到,跟住隻嘢仲入咗廁所搞入面啲日用品,搞到越嚟越嘈,我男友就忍無可忍突然衝入廁所大叫喂一聲,跟住就即刻靜晒,咁另外個男仔就話禽晚隻嘢已經成日同佢熄電視,佢呢頭開完一轉身個電視就自已熄咗,開咗幾次都喺咁咪唔睇瞓覺囉!當佢一瞓落床就聽到廁所有拍一聲,咁佢就八掛入廁所睇吓啦,就見到一個未開盒既肥皂跌咗落個浴缸度,佢都覺得好奇怪個紙盒喺四方形點會自己跌落嚟呢?咁佢就唔理咁多放番上去然後再瞓番落床,當佢一瞓落去就感覺到自己下半身動唔到,然後感覺到有隻手由佢隻腳眼一路襟上去,襟到個大肶時佢覺得好痛,咁佢就一手撥開嗰隻嘢,點之隻嘢仲襟住佢隻手然後打咗佢心口一拳,佢就即刻痛到嘩一聲坐咗起身,跟住隻嘢就走咗,佢就唔理咁多再瞓過.第二朝佢仲喺咁拉高件衫比我地睇佢心口瘀咗,然後我地就梗喺要求換房啦,但喺個領隊就話滿晒冇房換,咁我地就叫佢今晚過嚟一齊瞓啦!

跟住我地就去咗迪士尼玩,玩足一日返到酒店大家都好想去沖涼,咁我男友沖得比較快所以佢就沖先,我同個朋友喺度等,等等吓佢就話咁等法有排都未輪到佢沖,都喺返去佢自己間房度沖,沖完先返過嚟瞓,但喺佢出咗去就好快咁返嚟,我就問佢咩事,佢就碌大隻眼話:我間房有人打網球呀........!吓唔喺掛,有冇聽錯呀?等咗一陣佢又話,真喺有排等都未輪到佢沖喎,都喺返過去沖,自己咋聽唔到咪得囉,跟住又出咗去,唔夠十秒鐘佢就一仆一碌咁衝返入嚟話:而家打得仲大聲呀!都喺唔入去喇!啱啱我男友沖完涼出嚟問我地咩事咁嘈,佢知道後就問我個朋友攞條房匙比佢,然後話要入去睇吓......唔好掛咁我點呀,自己一個留喺房又唔喺,死就死都喺跟埋佢地一齊去睇吓喇!
於事我就拉住佢地衫尾三個人一齊貼埋度門聽,我好清楚聽到喺間房入面有一個人自己對住度牆喺度打網球既聲,拍拍......拍拍......拍拍......嘩!我聽到即刻全身啲毛管喺0.01秒就豎起晒,連啲頭髮都豎起埋呀!聽咗一陣佢就攞條房匙好快咁一開就一齊衝入去,點之一開咗門入面就即刻靜晒,一啲聲都冇,跟住佢兩隻嘢就喺度好耐都唔肯返過去,話一齊喺度會多啲人氣,睇隻嘢仲敢唔敢番嚟,吓.....咁我點呀?你地兩個就沖晒涼但喺我就冇得沖,啲衫又喺隔離房想喺呢度沖都唔得,兩隻死嘢就叫極都唔肯陪我一齊返過去!正衰人,我等咗一陣都喺忍唔住自己返過去沖涼,佢地仲只喺話我有咩事就大叫,佢地就衝過嚟救我.唉....正一衰人!我跟住一出佢地個房門就聽到喺再隔離間房度有人打網球,我番入去同佢地講,佢地仲話咁咪好囉,即喺隻嘢都怕咗我地走咗去等二間房啦!真喺比佢地吹脹,嗰晚我地三個人一間房就好平安咩事都冇喇!後嚟我地諗番起,雖然我地喺呢間酒店住咗兩日,成日喺度出出入入,但喺就從來都冇見過有人喺呢層樓出現過,就連執房都冇一個,好似呢層樓就喺响第二個空間咁!

我第一次去旅行就喺去新加坡 再跟當地團去馬來西亞既刁曼島,當時我地兩男兩女去,我地由新加坡 搭四個鐘頭車再搭四個鐘頭船去到刁曼島,就住喺沙灘上面啲高腳木屋,一間屋有兩間房,房出面喺有個露台,所以返房就要先行上幾級樓梯然後經過個露台先入房,我地兩個女仔一間房,兩個男仔一間,咁嗰日下午個男仔就見到床頭有好多蟻,佢就用個火機喺度燒,仲一路燒一路話:燒死你全家!咁我就話:因住佢地今晚嚟搵你呀!
到咗夜晚,我個女仔朋友話眼瞓佢要瞓先,咁我就過咗去兩個男仔間房度傾計,傾傾吓我就成日聽到隔離個女仔間房有啲拉開拉鍊搵嘢既聲,一陣又聽到喺廁所沖水然後又開水喉既聲,一陣又有開花灑既聲,(由於喺木屋所以喺好傳聲)開頭我心諗可能佢瞓唔着起身搵嘢食,但喺又冇理由成日去廁所架,又冇理沖咁多次涼架?跟住我又成日聽到隔離開門然後喺露台度行來行去既聲,我就諗冇理由佢一個女仔夜麻麻會喺出面行來行去,就算瞓唔着都會過嚟一齊傾計啦!咁我就已經意識到喺間房有嘢,我就諗好唔好返過去呢?但喺明知間房有嘢仲返過去好危險喎,不過留低佢一個女仔又好冇義氣,自己又開始好眼瞓,死就死啦都喺返過去瞓喇!我臨走時就同嗰兩個男仔暗示話:你地唔好鎖門喎!我可能要隨時返過嚟架!咁我就一出房門就只喺望住個地下行,唔敢周圍望,一上床就即刻瞓著咗喇!
到咗第二朝兩個男仔就喺度嘈生晒嘈醒我,我就起身問佢地咩事啦,原來禽晚佢地都聲到我地間房啲聲,加上我臨走時既暗示佢地就知原來我都聲到,我走咗之後啲聲就越嚟越誇張,已經喺佢地間房個廁所度不停開水喉開花灑同沖廁所,佢地喺一人坐一張床對望住傾計既,所以一個就望到個廁所位,一個就望到個門口而門口隔離就有個窗口,傾傾吓望住廁所個男仔就突然見到有兩個黑影由廁所度裝個頭出嚟,咁佢就即刻碌大隻眼,另一個男仔見到就即刻轉個頭望過去,佢就見到個門腳下有個黑影移動緊入去,佢地都知道喺咩事當然唔理佢啦!跟住又輪到望門口位個男仔突然碌大隻眼,另一個又轉身望個窗,佢地兩個都見到個窗口有個人影同我一樣既企喺出面露台,個男仔就話一個女仔咁夜企喺出面做咩呀?當佢想開門出去睇吓時,另一個就叫住佢唔好出去,嗰個唔喺我嚟架!然後就有人拷門,望住門口位個男仔又諗住去門口,咁另一個就諗起我臨走時叫佢地唔好鎖門,如果喺我就會自己開門啦!咁又叫住個男仔唔好開門呀!
跟住啲聲就越嚟越嘈,開頭有人喺門口露台行來行去,跟住仲成班人跑來跑去,跟住又發出啲怪聲,佢地聽到問咩聲呢?嗰啲聲又發出多一次比佢地聽,跟住又拍門又拍窗,佢地都覺得喺啲嘢想引佢地出去,所以死都唔出去,後來佢地都一齊瞓覺唔理咁多.
瞓近窗口個男仔喺超級爛瞓既,佢喺瞓著咗比人拉落地都唔識醒既人,但當佢瞓瞓吓就比三個人搞醒,初時佢而為喺我地三個搞佢,但喺佢諗諗吓唔喺喎,一個喺度扭緊佢隻手,但喺嗰個位明明喺度牆又點可以伸到隻手嚟扭佢呢?而喺床邊嗰個就將個男仔隻手放入自己個口度仲要感覺到濕濕地,佢又諗邊有人個口有咁大可以放得落佢成隻手,而喺床尾嗰個仲喺度搞佢下體,玩都唔會玩得咁離普呀?佢就即刻知道喺嗰啲嘢,咁佢就突然彈起身大聲喂咗一聲,佢就見到有三個小朋友身形既黑影即刻四散,有一個仲要喺穿過另一個男仔個身入咗廁所,隻嘢穿過嗰時個男仔仲彈咗一彈!
後來我地同啲當地人傾計,佢地話佢地全個島啲人都會喺十點鐘瞓晒覺,我地就諗可能喺嗰啲嘢好奇點解呢幾個人咁夜都唔瞓,咁就想同我地玩吓嚇吓我地,點之呢幾條友嚇極都唔驚,仲要比佢地嚇番轉頭,梗喺啦.....我就由細到大都成日撞到啲古怪嘢,而嗰兩個男仔就一個有陰陽眼由細見到大,另一個就由細開始學芧山亦都見慣晒,我地就梗喺唔驚啦

我第一次比鬼壓喺响自己屋企,嗰時我喺同老豆,細佬一齊住既,嗰晚大約九點,當時得我同老豆喺屋企,咁我就瞓喺床度睇緊電視,睇睇吓我老豆就話要出街,當佢一關埋門出咗去嗰陣,我就突然聽到有把男人聲講:你老豆嚟打你呀!跟住我即時全身都動唔到,我好大力咁想動吓隻手指都動唔到,仲不停咁聽到有人用指甲喺度抓床單既聲音!
咁我就想大聲叫但喺又出唔到聲,我就即刻喺心裏面唸:喃嘸呵呢咜佛!但喺都喺動唔到,跟住上帝呀,耶蘇呀都出晒都喺唔得,我當時唔知點解唔識驚仲好火咁話:我冇搞你,你仲咩嚟搞我呀?我仲喺咁講粗口鬧佢,但喺都喺動唔到,佢仲喺咁抓床單,過咗一陣我就聽到啲腳步聲,我認得呢啲腳步聲喺我細佬既,心諗有救喇!當我細佬一開門我就即刻動得番喇!我講比佢聴頭先啲嘢,佢都唔信,只喺話我發惡夢,但喺我當時喺睇緊電視又點會發惡夢呢?
後嚟過咗幾年講開呢件事,我細佬先話,佢而家信我講屋企真喺有嘢,因為佢之後試過有幾次打機打到半夜,佢突然見到有幾個黑影喺度飛來飛去囉!