Music的天空

喺我十八歲嗰時屋企搬咗去土瓜灣住,好記得嗰日我放假,當我瞓醒已經喺十一點幾,屋企就得番自己一個人,我瞓醒發覺唔見咗對拖鞋,咁就周圍搵啦,搵剩一間我平時好唔鐘意入去既房,自己都唔知點解覺得入去呢間房就好唔舒服,所以好小會入去,而呢間房喺冇人住既,所以入面只有一張床同一個衣櫃,搵晒成間屋都冇就唯有入去搵啦,一入去就一眼見晒,咁就梗喺諗住望吓床下底有冇啦!
點之當我一烏低想望嗰陣就聽到床下底有把男人聲喺到嘆氣:鞋........我當時一聽到嚇咗一跳,就即刻彈番起身,心諗自己聽錯啫,冇理由既,咁我又再烏低望,又一聲:鞋......我又嚇到成個彈起,今次我就諗唔通喺有賊入屋走咗入床下底喺度嚇我,咁我又再烏低望,又一聲再大聲啲:鞋......,於事者我烏低咗四五次,一次比一次鞋得大聲,最後嗰次仲要有回音架,我真喺驚到即刻衝番入自己間房,冚埋張被死都唔出去,直至有人返嚟為止,後來呢間屋住咗幾個月就即刻搬走咗喇

我第一次遇上靈異事件喺响我五歲嗰陣,到而家都仲記得好清楚,嗰晚當我瞓到半夜嗰陣突然比把笑聲嘈醒我,當我一開眼就見到有個好似人哋打小人咁既紙公仔,白色好光好光企喺我床頭對住我笑,可能當時太細個根本就唔識驚,我只喺好好奇咁望住佢,諗緊佢喺咩嚟呢?跟住佢就越笑越大聲,我塞住兩隻耳都覺得好刺耳,咁我就好大聲咁大叫:走呀你!跟住佢就由個頭開始續啲續啲好住羽毛咁飄出窗口,當佢飄淨得半個身時,我老豆就起身開燈,一著咗燈佢就即刻唔見咗喇!
我啲屋企人就一直都喺話我發惡夢,但喺我自己好清楚一定唔喺發惡夢囉,我喺比佢把笑聲嘈醒架嘛

嗰日我哋去赤柱影完之後仲有好多時間,咁就再一次去香港公園影過喇

我地幾個同事約埋一齊去赤柱影吓相,大家都喺揸單反可以一齊分享研究嘛

突然比我地發現路邊有啲好大既菇喺度

今朝起身就喺酒店度食早餐,呢度既早餐都有幾多撰擇,中西日都有

今次去石岐都喺跟美X之旅去$478住五星酒店真喺好抵,第一站先去孫中山故居

只喺細路仔嗰陣老豆帶我去過之後就一直都冇去過喇!今次舊地重遊去影吓相先!先入去個溫室度影吓

上次去香港公園因為落大雨又晏咗去,所以影得好小相,今次好天又早去就可以狂影喇
先入去個溫室度影吓

一早起身就喺氹仔度搵啲古舊既茶餐廳食早餐,古舊啲就即喺間餐廳做咗好耐歷史啦!啲嘢食一定有番咁上下

果然冇估錯,雖然啲價錢同香港差唔多,但喺又真喺好好味,呢個麵個湯底喺用新鮮雞煲架,真喺第一次食到用雞湯煮既餐肉麵

臨去新西蘭之前同隻佬走咗去澳門周圍影周圍食,因為我喺同個朋友去新西蘭,所以都要陪吓佢既!癈事佢詐型啦
一落船就即刻去氹仔食晚餐,我地每次嚟親澳門都一定會嚟呢間餐廳食嘢既,因為實在太好味喇!