唔覺唔覺嚟咗馬爾代夫都已經第六日,而今日喺响呢度最後一日喇!真喺十萬個唔捨得!好唔捨得呢度,好唔捨得離開我嘅Dream House! 嚟之前睇人哋啲遊記都話,因為要11:00a.m.就要check out,但喺要等到3:00p.m.先有水上飛機接佢哋返出馬里,所以臨check out時可以有禮貌咁要求酒店延遲退房,多數都得,有啲人就話喺酒店主動要求佢哋早兩個鐘check out,就可以安排佢哋喺主島嘅沙灘屋暫時住到2:00p.m.,所以我哋就諗住照板煮碗,等佢哋主動通知我哋,如果冇叫我哋提早退房就要求佢哋比我延遲,點之.......居然比佢哋先下手為強,禽晚放低一封信喺張床度,喺通知我哋今日要11:00a.m.check out,如果想延遲退房,就比多USD$100就可以住到2:00p.m.,真喺估佢哋唔到有呢一招,可能因為太多人要求遲check out喇!睬你都儍,比多一百蚊住多三個鐘,食咗佢好過喇! 最後一日喺呢度食早餐,入到去諗起我哋都未試過坐喺出面露天位食過,最後一日就一定要試吓
雖然瞓得個幾鐘,但喺都好精神,可能有得玩就唔會覺得攰,而且今日就向我嘅Dream house出發就實在太興奮喇!
嗰邊要成7:00a.m.先日出,所以我哋去check out時都仲喺好黑,check out完又去影過,居然比我影到兩張臨日出前好靚嘅相
馬爾代夫Maldives,喺印度西南方約600公里嘅印度洋上面,有1190個珊瑚島,形成咗26個環礁同數唔到嘅大小礁岩而組成,有200個島有人住,荒島就有200個,响2004年南亞海嘯之後而家嘅度假村大約有100個,佢喺一島一酒店.全個馬爾代夫嘅總面積有115300平方公里99%喺海,所以陸地就只有300公里,首都喺馬里Male,成個國家嘅總人口都喺得嗰27萬,喺香港一個區都多過佢喇!馬爾代夫喺橫跨赤道,喺熱帶氣候,四季分別唔大,最熱喺4月26.5-31.5度,最凍喺12月都只喺25.3-29.8度,12月至4月喺旱季,最乾旱喺係2月,5月至11月喺雨季,最多雨喺係6月,由於亞州同歐州都開始回暖,又加上佢地喺雨季,所以每年嘅5月至7月都會喺淡季,間間酒店都會大減價,有好多酒店都喺住四晚比三晚錢,五晚比四晚,所以去馬爾代夫最平喺5至7月,我個大假就咁啱喺5月喎!正!
好多人都話馬爾代夫喺一生人最少要去一次,我十年前已經好想去,但一直都冇機會去,而且又覺得好貴,所以去馬代唔單只喺麥兜嘅夢想亦都喺我嘅夢想.由於地球暖化令到水位上升,馬爾代夫將會喺未來五十年之內消失喺人間,所以佢已經成為世界上最後一個人間天堂 喇!聽到呢個消息之後我就諗,如果再唔去就遲啲有錢都冇得去喇!去唔到我咪死咗都唔眼閉囉!所以就的起心肝要快啲去喇!先頭諗住同啲朋友一齊去開心啲,但喺等吓一年等吓又一年,都一直夾唔到,於事就決定同男友私奔,自己倆個去,唔等佢哋!
嘩!咁多間度假村都唔知揀邊間好,所以決定去之後我就不停咁上網搵資料,睇吓人哋去完嘅遊記,揀吓住邊間好,跟住又去買咗本馬爾代夫嘅旅遊書睇,睇完之後就揀咗七間叫個經紀報價,但喺等咗個幾禮拜都喺得一間四星酒店覆過,而且呢間酒店喺冇水上屋嘅,住四晚沙灘屋都要$11190,跟住個經紀就叫我都喺揀番D星航同馬航有做package嗰啲酒店會容易啲book又會平啲,因為我揀嗰啲有啲直頭話喺唔招待中國人喎!有冇搞錯呀?真喺想告佢地種族歧視呀!我都知道嗰邊的酒店喺full得好快喇,但喺又唔忿氣,就自己試吓上網book吓,又真喺全部full晒喎!有啲直頭去到出年都話full晒呀!真喺誇張!可能佢地都full晒咪唔覆囉!
咁都冇辨法喇唯有又要再搵過喇!真喺搞到頭都痛呀!最後左計又計之下都喺揀番個經紀第一間介紹嘅酒店,Angsana Velavaru,貪佢有得搭水上飛機,又喺係馬代第二最遠嗰間,遠啲就污染少啲嘛,而且上網睇過,佢哋啲水上屋真喺靚到暈,水上屋上年七月先起好,仲喺好新,最細嗰間都有1800呎,但喺最抵嘅價錢已經冇咗喇!嗚嗚......最初喺兩晚水上屋兩晚沙灘屋星航package$15900+tax1720,包早晚餐,而家就要$18170+tax$1720只喺多咗個90min spa,計吓條數都喺住四晚水上屋最抵$17770+tax$1720包早晚餐,只喺冇咗個spa但喺可以住四晚水上屋,因為喺淡季去,第一晚仲升級咗住五星嘅Angsana Ihuru,如果喺旺季去就只喺住機場酒店喇!嗰package喺包埋呢晚酒店同水上飛機嘅!
以下喺幾個航空公司嘅package,大家可以比較一吓
http://www.sia-holidays.com/default.asp?tab=pd&menu=2&caid=2&cyid=22&ctid=
http://www.masholidays.com.hk/
http://www.srilankanholidayshk.com/
之前去咗一個網上電台做旅遊節目嘉賓,而家有得聽喇!不過我發覺自己有一段嘢講錯咗,我講咗自己先搭十五個鐘去Cape Town然後再轉機去約翰尼斯堡,其實應該係我先搭十三個鐘去約翰尼斯堡然後再轉機去Cape Town,係到真係要講聲唔好意思,可能自己第一次做節目太緊張,加上自己又去完都有一段時間,所以都搞到錯晒喇!
大家有時間就入下面呢個網聽吓啦!
http://www.itahk.net/new/forum/viewthread.php?tid=10228&extra=page%3D1
從來冇唸過自己寫遊記會寫到比人叫去網上電台做旅遊節目嘉賓.
最初唸住自己成日去旅行,去得多之後發覺之前有好多旅程都開始遺忘,所以就開始寫遊記,自己得閒可以重溫箇中樂趣之外,仲可以同其他人分享,亦可以分享一吓有啲咩地方好去,有啲咩值得好買,有時自己去旅行之前都會睇吓人地啲遊記去揾吓資料,都覺得幫到好多,所以自己都想幫吓其他人,都冇唸過會有啲咩回報,點之原來自己嘅遊記除咗有好多人睇之外,仲會比人叫我去網上電台做嘉賓,真係好開心,好有滿足感,自已嘅心機真係冇白費,真係有人鐘意嘅!
之前自己去完南非就寫咗個南非遊記,其中有一個回應嘅人話佢係國際漫遊協會嘅,自己當時真係唔識呢個網,於事就入去睇吓,有一日佢就email比我問我有冇興趣上去佢地嘅網上電台分享一吓,因為佢地會做一個南非特輯,而佢自己就同幾個朋友去咗南非四十日,睇到我個遊記見到我跟團同佢地自由行都好唔同,而且有啲地方佢地都冇去到,所以都想同大家分享一吓自由行同跟團嘅分別.聽到佢咁講我自己都好有興趣上去講吓,自己又從來都未試過做電台節目嘉賓,都好想去玩吓,覺得好新奇好好玩,所以一口就答應佢.
禽晚就上咗去錄音,未去之前都有啲緊張,好擔心自已嘅怯場症又發作,食晒縲絲,又驚唔識講嘢,咁就真係失禮死人喇!好彩去到都只有幾個人,所以就冇咁驚,我地大家係到傾吓計,講吓大家係南非嘅趣事,所以成個過程氣氛都好輕鬆,好快就做完一個節目,快到自己都覺得唔夠時間講唔晒,仲有好多有趣嘅嘢都未講到,不過真係覺得好好玩,好期待個節目快啲可以聽到,亦都好想有機會再去玩過!
2009年11月4日,原本想同媽咪去長隆玩兩日,不過唔成團,唯有睇吓有邊度成團就去邊度啦!之前上綱睇長隆啲資料時無意中比我睇到有啲人跟過一間叫美X之旅嘅旅行社,話又平又好,佢地喺純玩團唔會帶你去買嘢,聽落又幾好喎!雖然自己未聽過呢間旅行社,不過見好多人都讚好,就即管試吓啦!最後有一個御臨門溫泉渡假村$398,嘩!有冇咁平呀?睇落間酒店又好似幾靚喎,好......就跟呢個啦!佢地唯一唔好處就喺要自己去羅湖或皇崗集合!
為咗食個早餐搞到原本8:30集合,我地8:20先喺羅湖落火車,拉住呀媽走去集合地點,一出羅湖口岸就見到人山人海呀!原來除咗我地果團,果日呢間旅行社淨喺去御臨門都有三團,仲有好多去其他地方就唔知有幾多團,真喺好誇張,一去到點完名就見到我兩個同事,原來佢地啱啱結婚兩週年,又喺報咗呢團去玩,有冇咁邪呀?我地果團都有48個人,每餐分五圍枱食飯,我地仲要喺同一圍枱食,真搞嘢!
搭咗個幾鐘頭車之後就去到一個客家民俗館
