今日要早啲起身落去食早餐,因為領隊話迷城早餐有好多嘢食,可以食足兩個鐘喎!
呢隻果汁喺最好味嘅
每張櫈後面都有唔同嘅動物好得意
每張枱都有兩個侍應服侍,好誇張仲不停問你有冇咩需要,啲嘢食啱唔啱,突然間好似自己變咗個大人物喺度緊食嘢.
食完仲有啲時間就梗喺又周圍走,周圍影啦!
跟住我地就去比林斯堡野生動物保護區(Pilanesberg National Park Game Drive)不過真喺好失望,因為講明喺坐吉普車去睇,我地就一直以為喺坐果啲有個鐵籠罩住我地嘅車,然後比啲肉我地去餵獅子,老虎,點之一出酒店門口見到架車,就知一定唔會有獅子老虎喇,因為喺坐一架大巴士而左右兩邊都喺冇窗嘅,跟住仲要喺遠距離睇,於事我地全車人就全程玩尋寶遊戲(揾動物)
第一種見到嘅就喺呢兩隻鹿
跟住就見到河馬
羚羊
長頸鹿
犀牛
大笨象
班馬
(可惜影唔到個頭)
玩完尋寶遊戲返去酒店有半日自由活動,又喺周圍影嘅時候喇
南非嘅天空真喺好靚,夜晚仲會全個天都喺滿晒星星,不過好可惜影唔到
喺噴水池見到有彩虹真喺好靚呀!
我地十個團友,九女一男(九星伴月)
我地走咗上頂樓影相
呢個喺人做沙灘,好可惜果日冇開,仲等我地帶晒泳衣去都冇得游,激死人!
酒店門口喺有俩個保安責負查你喺咪住客先比你入去嘅,我地喺酒店出出入入,見佢倆個咁好笑容咪試吓佢地玩啦,點之佢地同我地玩到癲咗,我地又玩又跳舞之後仲教佢地(New)住鼻屎跳舞,真喺笑爆咀,同佢倆隻嘢玩咗成粒鐘,有好多人睇到都唔理,實在進入咗忘我嘅境界,喺呢個鐘裏面啲人都自出自入,完全冇人查佢地喺咪住客,真喺有啲擔心佢地會比人炒.
然後我地去咗一個叫震震橋嘅地方,話條橋會每個鐘震一次,但喺我地又掛住玩都感覺唔到,唯有自己係度扮震啦!
之後我地去食晏,因為呢個團講明全程包足十六餐,而呢半日係自由活動,所以個領隊每人比咗ZAR100我地自己去搵食
領隊話呢間係又貴又唔好味,千其唔好幫襯
最好味係呢間食雞嘅,不過都要幾十蚊一個餐,食落都幾好味
喺迷城嘅日落
晚餐喺太陽城食中菜,啲待應每碟餸放上嚟都會用唔咸唔淡嘅廣東話講果碟係咩餸,仲識講靚仔同靚女,好搞笑.
留言列表
