喺酒店食完早餐就開始今日嘅行程,今日又要上機啦!我地要返去約翰尼斯堡,搭兩個鐘頭機到咗之後一出去....嘩!呢度好明顯凍咗好多喎!我地先去一個叫普勒托利亞(Pretoria)
然後再喺市內觀光,我地架車經過一個空地時見到有幾個黑人當街柯尿,可惜影唔切.
之後去聯合大廈,保羅克魯格銅像,不過只喺喺車入面望出去唔可以落車,領隊話實在太危險,一落車就會即刻比人搶嘢,佢話之前有個團友唔聽佢講,堅持要落車,結果一落車就比成班黑人拑住搶哂佢啲嘢,都幫佢唔到,有冇咁恐佈呀?我地望落去見到下面有好多黑人都喺望住我地架車,喺度虎視眈眈,又真喺幾得人驚喎!
然後我地就開始向太陽城出發,呢次車程喺喺南非全個行程最長嘅,其餘啲車程都喺一個鐘頭內,但呢一程就要兩個鐘,行咗大半見到日落,係草原上嘅日落喺幾靚架!
終於到咗太陽城啦!太陽城入面喺有好幾間酒店嘅,領隊話Michael Jackson都有份出錢起嘅!喺城裏面喺好安全,我地終於可以夜晚出街啦!而且仲有啲免費穿梭巴士比我地喺城裏面周圍去,一落車就見到喺太陽城嘅鵝眉月,
我地有四個團友住呢間酒店,喺等佢地Check In時,我地就梗係又出動周圍走啦!
南非啲酒店都有賭場
呢啲車係拉老虎機既頭奬
等佢地Check In 完就輪到我地啦!好其待嘅迷城皇宫(The Palace),個個都話靚,我個男仔朋友仲堅持一定要住呢間酒店,話去南非唔住呢間不如唔去喎!我喺出發去南非前上過綱想睇吓呢間酒店究竟點靚法,有咩咁巴閉?但喺只睇到酒店外面,都唔見有人放酒店房裏面啲相落去嘅,好想睇吓啲房靚唔靚嘛!上呢間酒店個綱睇又得一張細到死嘅相,激死人啦!有冇咁神祕呀?又去揾吓有冇人住過啲平論啦!都揾唔到,不過就最記得有條友話佢自己如果可以比佢住一晚,賣咗佢都覺得抵喎!又有冇咁誇張呀?好.....就等我揭開呢個迷啦!
我地三個都覺得間房得個大字,但喺啲位就一啲都唔實用,張床又細仲要兩張床拍埋要一齊瞓,個厠所又喺,中間個空間好大,但個厠所同個沖涼房就好細,肥啲都轉唔到身,個露台細到只可以一個人企,啲欄杆仲要喺生銹嘅,個外牆都有啲水漬,不過佢都已經有十七歷史啦!真係有啲舊,我地都有啲失望.
Check in 完我地就搭返巴士去Sun City食自助晚餐
留言列表
