Music的天空

我自己雖然喺尖沙咀個嘢,但喺就一直都未去過九龍公園影相,嗰日啱啱放假但要返一返公司一陣,所以就順便去影吓相喇!

呢幾張影咗出嚟唔喺好似喺香港影咁

去大灘郊野徑喺西貢碼頭搭94號巴士,喺大灘站落車,大約半個鐘車程,我地一開始行就比幾隻牛阻住咗條路

馬灣公園就喺珀麗灣隔離

7/1/2011第一次去珀麗灣呢個地方,喺荃灣西鐵站D2出口,一出去右邊就喺去珀麗灣嘅碼頭,不過等船都等幾耐吓!

影到黃昏嗰陣當我正在影個日落時,啱啱就有人踩單車經過,我就意外地影咗呢張自己勁鐘意嘅相喇!

10/11/2010,我地四個女仔入去南生圍影相,原本諗住搭横水渡入去另一邊影,入到元朗行來行去出埋地圖都搵唔到,最終都喺要搭的士,點之原來個師機都喺唔識,呃咗我地幾十蚊的士錢,真喺激氣!

03/10/2010約埋班同事一齊去東坪州影相燒嘢食,今日終於唔駛做貴人,勁好天!YEAH!!!!

去東坪州嘅船只有星期六,日先有,而且只有一班,所以我地預早買定船票,來回$90,

記得留番呢個飛尾喎,回程要用佢先有得搭架,我地都差啲掉咗呀!九點鐘船入去只有一班,所以千其唔好遲到呀!我地就搞到要跑去碼頭,真喺跑到氣咳喇!搭咗個幾鐘先入到去,雖然自己喺香港出世但喺都一直未去過,今次終於有機會去吓喇!
 

原本一早約好三個女仔一齊去南生圍影相,點之一入到元朗就落大雨,莫非我真喺貴人?點解每次要出去影相都落雨架!喺元朗食完嘢之後啲雨都冇停過,我地就決定轉軚去香港公園,諗住嗰度有室內影相吓,點之去到個溫室已經關咗,就入咗去茶道館,但喺入到去原來仲有十分鐘就要關門.......唉!有冇黑仔又咁呀?

第一次去濕地公園,出門口時都仲喺好好天,點之上咗車之後就一時晴天,一時落大雨,去到之後都喺咁,唉.....我又唔喺貴人,點解出親門都落雨架?  去到天水圍之後搭706輕鐵就到,都幾方便,入場費$30,一心諗住影埋日落,所以就三點幾先去到,點之影完一輪花花草草之後,諗住去影蝴蝶時,一入到去就有個管理員埋嚟話:小姐我地五點鐘關門,吓.....唔喺掛....山長水遠入到嚟,我一隻蝴蝶都未影到呀!呢次又比人老點咗喇!